KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Presidente Duterte miawhag: Ipalusot ang Bayanihan to Recover as One Act

March 14, 2021 Uncategorized

CORTES, Bohol July 28 (PIA) — Giawhag ni Presidente Rodrigo Duterte ang nagkahiusa nga pagtigum sa Ubos Balay Balaoranan ug sa Senado didto sa Batasan Complex, Julyo 27, ang paspas nga pagpalusot sa Bayanihan to Recover As One Act, nga maoy magpundo sa pagpahiuli ug sa pagtubag sa mga epekto nga gibilin sa pandemya sa coronavirus disease 19.

Kini samtang gisaysay sa presidente atul sa iyang ika lima nga State of the Nation Address (SONA) ang panginahanglan nga agakon ang ekonomiya hangtud sa iyang pagbangon.

“Sa maka usa pa, akong giusab ang pagpasalamat kaninyo, nga magbabalaod sa Kongreso, sa inyong paghago aron makalabang ang balaod sa Bayanihan to Heal as One. Manghinaot ako nga kining nag-ong-ong nga Bayanihan to Recover as One, makakuha usab sa susamang tin-aw nga pagsabut sa katuyuan aron kini mapasa ug madugangan ang atong pundo sa pagba-askil og balik ug pagtubag sa mga epekto sa pandemya,” bungat sa Presidente

(I again reiterate my thanks to you, the men and women of Congress, for the effort you invested into passing that law. I hope that we can get some or the same treatment of clarity, purpose and the fastness to support the passage of the Bayanihan [to Recover as One Act], which will supplement funds for recovery and response against the impact of the COVID-19 pandemic.)

Gihinalanglan nato nga maagak ang pagpahibalik sa ekonomiya, aghat niya.

(We must facilitate the country’s economic recovery.)

Dugang niya, “pangusgan sa kagamhanan ang iyang paningkamot aron matabangan ang mga negosyo, ilabi na naidtong mga gagmay nga mamumuhunan, (MSME) pinaagi sa pahtanyag kanila sa serbisyo ug tabang pinansyal, capital, ug suporta sa pagpadagan ug pagdumala sa ilang mga negosyo aron sila makaapas  sa mga panginahanglan sa bag-ong normal.”

Gihangyo usab sa Presidente ngadto sa mga nagpa-abang nga unta ilang ipatunhay karon ang pagsabut ug pagtabang aron dili managan ang mga tigpangabang, kinsa maoy gisaligan sa mga nagpa-abang sa normal pa ang panahon.

“Pangita og makiangayan ug maloloy-on nga kasabutan, ug ayaw sila abuga, tabangan nato sila nga makabangon,” sugyot sa Presidente.

Gani, butyag niya, ato na nga gibombahan og tabang ang ekonomiya ug  ang mga gagmayng mamumuhunan, pinaagi sa P1 bilyon nga pahuwam nga walay interest pinaagi sa SB Corporation ug sa DTI CARES.

Matud niya, niadtong Hulyo 10, mikabat na sa 2,600 ka pahuwam nga katumbas sa P182 milyones ang naaprobahan na .

“Nagtuo ug nagsalig kita nga kini makatabang sa atong MSME aron makabalik ug mahulipan na ang nawala sa mga buwan nga may COVID measures,” saysay sa Presidente

“Samtang ato kining gibuhat nga mga lakang alang sa inclusive recovery, ato kanunay nga angkonon nga kawang lang ang tanan natong gibuhat kon ang mga bag-ong turok nga mga negosyo, malaya lang usab kay walay suporta gikan sa mga konsumidor. Kini na ang higayon nga suportahan ug paluyohan nato ang atong mga kaigsoonan nga n ag negosyo ug naghimo’g mga produkto nga atoa gayud,” aghat ni Duterte.

Dugang niini, nanawagan usab si Presidente Duterte ngadto sa Congreso sa pagpadali sa pagpalusot sa gilaraw nga balaodnon sama sa Corporate Recovery and Tax Incentives for Enterprises o CREATE Act.

Pinaagi niini, makuha na ang gipatong nga corporate income tax gikan sa 30 nagdto sa 25 porsyento ug maghatag sa kagamhanan sa mas luag nga desisyon kon hain man sa mga nagkadaiya nga kombinasyon sa fiscal ug non fiscal incentive ang ihatag, pasabut sa Presidente.

Dugang pa niya, mas maayo usab kon ikapagawas na ang Financial Institutions Strategic Transfer o FIST Act kay kini magpahimutang sa mga mekanismo nga magtugot sa mga bangko ug uban pang financial institutions sa pagpabaligya o pagbalhin sa ilang mga kabtangan nga wala na magamit ug mga nangatulog nga pundo pahuwam ngadto sa mga kompanya nga magdumala niini aron magamit ug mapahimuslan. (rahc/PIA-7/Bohol)

source https://pia.gov.ph/news/articles/1048740

Leave a Reply

This site uses Akismet to reduce spam. Learn how your comment data is processed.

%d bloggers like this: