KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

PLGU SoLeyte magtukod og kaugalingong PCR Testing Laboratory alang sa COVID-19

March 14, 2021 Uncategorized

MAASIN CITY, July 14 (PIA) – – Usa ka Polymerase Chain Reaction kon (PCR) Laboratory Testing Center alang sa COVID-19 pagatukoron sa probinsiya, mao kini ang tahu ni Governor Damian Mercado atol sa pagpahigayon sa ika- 60th nga founding anniversary sa Southern Leyte, dili pa lang dugay.

Sumala kang Gov. Mercado, kini human ang Department of Health 8 naghatag og pagtugot alang sa pagtukod og kaugalingon nga Southern Leyte PCR Testing Laboratory alang sa COVID-19.

“ Ang P15 Milyones nga kantidad sa laboratorio dili ordinaryo nga edipisyo nga tukoron.  Diin ang Dept. of Health mismo ang nagdesinyo sa mga features sama sa presensya sa negative pressure, walay mga bentana og uban pa,” dugang niyang pahayag.

Gipasabot ni Gov. Mercado nga mokabat og 45 ngadto sa 60 ka mga adlaw ang gitumbok nga matukod ang maong edipisyo sugod karon nga bulan sa Hulyo 2020.

Matud niya ang mga health workers sama sa mga doktors, medical technologists, mga nurses nga magdumala sa maong mga kahimanan gi-andam na usab sumala sa tahu ni Dr. Ionne Castillones, ang chief of hospital sa Salvacion Oppus Yniquez Memorial Provincial Hospital (SOYMPH).

Sa kasamtangan, ang probinsiya sa Southern Leyte nakapalit na og 5,000 ka buok nga mga swab test kits agig mga lakang aron sa pagkigbugno batok sa paglaganap sa COVID-19 nga probinsiya, matud niya.

“ Ang mga specimen gikan sa Southern Leyte pagadalhon ngadto sa buhatan sa Eastern Visayas Regional COVID-19 Testing Center og kinahanglan nga maka-abot kini sa dili pa ang cut-off nga oras sa matag ala-una sa palis, ” matud niya.

Sumala sa eskedyul sa Region 8 – Department of Health, aduna lamang duha ka adlaw, Lunes og Huwebes ang pag proseso sa mga specimen sa COVID-19 swab tests ang gitagana alang sa Southern Leyte didto sa regional testing center, hinungdan nga dugay ang panahon sa paghulat sa mga resulta, dugang pahayag ni Gov. Mercado. (esg/PIA8 Soleyte)

source https://pia.gov.ph/news/articles/1047466

Leave a Reply

This site uses Akismet to reduce spam. Learn how your comment data is processed.

%d bloggers like this: