KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

P25.8-M gitunol sa 25 mayores sa MisOr

March 14, 2021 Uncategorized

MISAMIS ORIENTAL, May 27 – Aron mas mahimong epektibo ang pakigbatok sa coronavirus disease 2019 sa probinsiya sa Misamis Oriental, mokabat sa P25.8 milyones nga kinatibuk-ang dugang ayuda ang gitunol ni Gov. Bambi Emano ngadto sa 25 ka mayores sa entero lalawigan.

Niadtong Mayo 21, 2020, pormal nang nagpinermahay sa memorandum of understanding (MOU) sila si Gov. Emano, isip representante sa kapitolyo; Magsaysay Mayor Rey Buhisan, isip representante sa League of Municipalities of the Philippines-MisOr chapter; ug Provincial Task Force for COVID-19 chief Dr. Jerie Calingasan sa may Phividec Compound sa may Tagoloan.

Didto na usab gidawat sa 25 ka mayores ang ilang tagsa-tagsa ka cheke sa gibahin-bahin nga ayuda.

Didto saksi ang miyembro sa mayoriya sa Sangguniang Panlalawigan.

Dakung pasalamat ni Mayor Buhisan sa inisyatibo ni Gov. Emano nga dugangan ang iyang hinabang sa mga mayores hilabina padayon pa gihapon karon ang pakigbatok sa COVID-19.

Sa pagka karon, zero-confirmed case pa sa COVID-19 ang Misamis Oriental taliwala sa kamatuoran nga gipalibotan na kini sa mga silingang probinsiya ug dakbayan sa mga nagpositibo sa nasangpit nga makamatay nga sakit.

Saad sa gobernador, kung gikinahanglan pa sa mga mayores ang dugang hinabang, dili magduhaduha ang kapitolyo probinsiyal sa pagtunol niini bisan kanus-a ug bisan unsang orasa. (MisOr Info Office)

source https://pia.gov.ph/news/articles/1042941

Leave a Reply

This site uses Akismet to reduce spam. Learn how your comment data is processed.

%d bloggers like this: