KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

MisOr COVID update: Hugot nga seguridad sa Naawan, gipatuman

March 14, 2021 Uncategorized

MISAMIS ORIENTAL, July 23 – Mas hugot nga seguridad ang gipatuman karon sa lungsod sa Naawan, Misamis Oriental human tulo na ang nagpositibo sa Corona Virus Disease (Covid-19) sa nasangpit nga lungsod.

Matud ni Sangguniang Bayan Member Allan B. Roa nga maoy kasamtangang nagsilbing Municipal Vice Mayor sa maong lungsod nga strikto na kaayo ang ilang mga gipatuman nga mga precautionary measures ug uban pang gabayan aron maluwas lang ang katawhan sa lungsod nga dili na mukatap pa ang virus.

“Strikto kaayo kita karon, daghan kaayo ta og executive order nga gigawas unang-una aduna kitay checkpoint karon nga gipahigayon sa tanang boundary sa tanang mga national highway to check kong kinsa katong musulod sa atong lungsod nga dili importante o walay insakto o dili essential nga tuyo dili na namo ipasulod,” butyag niini ug miingon nga aduna sab silay gipahimutang nga mga quarantine post nga gibutang sa barangay.

“Kung kinsa tong musulod sa kabaranggayan na labaw na nga dili gihapon pasudlon ang mga dili kaila , except lang kong adunay dili taga diri nga adunay negosyo nga from time to time nga muanhi sila dinhi so muagi gyapon silag protocol. Ang atong quarantine post naa gyud tay foothbath, naa gyud tay handwashing ug thermal scanning,” pasabot pa niini.

Dugang niini nga ilang gibalik ang protocol kaniadto nga usa lamang ka tao ang makagawas sa usa ka panimalay.

“Then karong panahona among gi re-enact ang katong mga protocol kaniadto nga only 1 person is allowed to go out the household nga kinahanglan magdala sila ug ilahang quarantine pass, exit pass man siguro na nga pirmado sa atong barangay captain and then sila ray pwede mugawas magpalit sa mga essential goods,” dugang niini.

Lakip sa gipatuman ang curfew nga alas 9:00 sa gabii apan alas 7:00 pa sa gabii mingaw na ang palibot.

“All precautionary measures amo gyud i-imposed, wearing facemasks , no mass gathering sa atong simbahan gi-allowed nato 30% lang.” dugang ni Roa.

Malaumon si Acting Vice Mayor Roa nga ang katawhan sa lungsod sa Naawan mokooperar ug tumanon ang tanan mga pahimangno kay ang sakit nga Covid-19 nga nakasulod na karon sa lungsod dili angay nga kumpyansahan. (MisOr Info Office)

source https://pia.gov.ph/news/articles/1048297

Leave a Reply

This site uses Akismet to reduce spam. Learn how your comment data is processed.

%d bloggers like this: