KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Kinaray-a News: Ordinansa gindihon para sa pagpatukod kang Antique Training Institute

March 14, 2021 Uncategorized

SAN JOSE, Antique, Hulyo 24 (PIA) — Sangka ordinansa ang ginpresentar sa Sangguniang Panlalawigan (SP) rugya sa Antique agud mapatindog ang Antique Training Institute and Assessment Center.

Naangot ang dya nga ordinansa sa administrasyon ni Governor Rhodora Cadiao nga mapabakod ang probinsya tungod ang Antique Training Institute and Assessment Center may tinutuyo sa pagpasanyog kang mga komonidad sa patag kang emerhensya, serbisyo medikal, kag pagtudlo kang kurso tuhoy sa disaster risk management kag paghanas kang emergency response sa COVID-19. 

Suno kay Provincial Disaster Risk Reduction and Management Officer Broderick Train, kun mahimo nga mapasar ang nasambit nga ordinansa kag mapatindog dun ang training institute, ginakabig dya nga nahauna nga training institute sa rehiyon.

Suno man sa interbyu kang Provincial Information Office, ang komonidad ang mangin direkta nga manugsabat sa sangka disaster emergency, gani, kinahanglan nga mapasanyog sanda.

Dugang pa ni Train nga ang kadya nga ordinasa ang naangot sa “Philippine Disaster Risk Reduction and Management Act of 2010.”

Sa pagpatukod kang training institute, mangin kaimaw kang PDRRMO ang mga nagkalain-lain nga mga institusyon kaangay kang Technical Education and Skills Development Authority (TESDA), University of the Philippines Visayas, Philippine Public Safety College (PPSC) kag Office of Civil Defense (OCD). Dya ang pagasuportahan man kang Department of Health (DOH), Bureau of Fire Protection (BFP), kag Philippine Coast Guard (PCG).

Pagahanason kang mga manunudlo halin sa PDRRMO ang mga estudyante kag plano kadya nga mag buol kang dugang nga mga manunudlo gikan sa Iloilo kag Cebu.

Pagadumalahan man kang PDRRMO ang training institute nalakip na ang mga ulobrahon sa administratibo nga bahin.

Ang dya nga ordinansa ang gin-sponsor nanday SP Members Vincent Piccio III, Noel Alamis kag Alfie Jay Niquia nga kun sa diin tana ang Chairman kang Committee on Education. (JSC/LML-PIA6 Antique)
 

 

source https://pia.gov.ph/news/articles/1048503

Leave a Reply

This site uses Akismet to reduce spam. Learn how your comment data is processed.

%d bloggers like this: