KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Kinaray-a News: Mga drayber gin-abisohan tuhoy sa pagpataas kang pamasahe

March 14, 2021 Uncategorized

SAN JOSE, Antique, Hunyo 11 (PIA6) — Ginhinyo ang mga drayber kang traysikol kag iban pa nga pampubliko nga mga sarakyan rugya sa probinsya kang Antique nga indi magpanukot kang masobra nga pamasahe sa mga pasahero.

Sa sangka press conference, ginklaro ni Gov. Rhodora Cadiao nga wara ti may gin-isyu nga pagsulundan ang Land Transportation Office (LTO) angot sa pagpatigayon kang temporary nga fare adjustment.

Ginpahayag man ni Gov. Cadiao nga ginpasugtan run ang mga transportasyon sa pag-byahe apang bukon tana dya rason agud mang-abuso kang mga pasahero paagi sa pagpataas kang plete.

Nangin isyu sa kar-on ang pagtaas kang pamasahe ka mga traysikol kag PUVs tungod sa limitado nga seating capacity kadya nga modified general community quarantine. 

Nag-abiso man sya nga mahimo nga madugangan ang passenger loading capacity kun mapahalog run ang travel restrictions sa masunod nga panahon sandig sa pagsurundan kang Inter-Agency Task Force (IATF).

Suno sa Executive Order 65, ginpahanugutan dun ang pagsulod kang mga PUVs sa provincial borders apang ini ang maga-obserbar kang precautionary health measures kaangay kang physical distancing kag pagsuksok kang face mask.

Samtang, indi naman maglapaw sa 50 porsyento ang seating capacity kang mga van, jeepney kag bus, wara labot kang drayber kag konduktor.

Sa pihak nga bahin, indi dapat magsobra sa tatlo ka pasahero ang mga traysikol kag kinahanglan may rugyan kang transparent barriers.

Suno pa gid sa EO 65, magapabilin sa gihapon ang rate kang pamasahe sandig sa gin-aprobahan nga fare matrix apisar kang limitado nga passenger seating capacity. (JSC/LML/PIA6 Antique)     

source https://pia.gov.ph/news/articles/1044426

Leave a Reply

This site uses Akismet to reduce spam. Learn how your comment data is processed.

%d bloggers like this: