KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: ‘Urban gardening’ ginlunsyar sa Roxas City

March 14, 2021 Uncategorized

SYUDAD SANG ROXAS, Capiz, Mayo 24 (PIA) — Ginlunsyar sang lokal nga panguluhan sang probinsya sang Capiz ang “urban gardening” nga proyekto sang Mayo 19 sa Barangay VII sa syudad sang Roxas agud nga mabuligan ang mga pumoluyo nga magpatubo sang mga utanon sa bakante nga mga lugar kag sa mga plastik nga container bilang pamaagi nga mapasiguro ang pagkaon sa lamesa sa tion sang krisis.

Ginpahayag ni Gobernador Esteban Evan Contrera,s nga nagtambong sa nasambit nga hilikuton, nga ang mga pumoluyo sa mga kaumhan ang indi masyado nga apektado sa ila tagsa ka adlaw nga suplay sang pagkaon bangud sang mga utanon nga ila makuha sa ila garden ukon palibot.

Gindugang pa sang gobernador sa iya programa nga “The Governor’s Update” nga igalakip man ang mga nagkalainlain nga police station nga tagaan sang libre nga inogtanom nga utanon agud nga makapasakop man sa urban gardening nga proyekto.

Ang nasambit nga inisyatibo ang natigayon pinaagi sa Office of the Provincial Agriculturist sa bulig sang Capiz Provincial Environment and Natural Resources Office (CAPENRO).

Ginpahayag ni Sylvia dela Cruz nga hepe sang OPA nga ang proyekto ang naga-engganyo sa tagsa ka panimalay nga magtanom sang utanon bilang isa sa mga mapuslanon nga buluhaton sang pagtener sa balay magluwas pa nga nagabulig pa agud nga indi maglapta ang virus nga nagadala sang COVID-19 nga balati-an.

Sa iya nga bahin, ginpahayag ni Atty. Emilyn Depon nga ang pagamit sang mga plastic nga container kag iban pa nga pwede ma-recycle nga mga gamit bilang materyal sa pagpatubo sang utanon ang may dako nga kontribusyon para sa malimpyo kag matinlo nga palibot.

Ang mga pumoluyo ang gintagaan man sang mga ginpatubo nga mga utanon kapareho sang pechay, kamatis, okra, lettuce, latoy kag iban pa agud nga maumpisahan na nila ang “urban gardening” sa ila tagsa ka panimalay. (JBG/AAL/PIA Capiz)

source https://pia.gov.ph/news/articles/1042733

Leave a Reply

This site uses Akismet to reduce spam. Learn how your comment data is processed.

%d bloggers like this: