KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: Social pension payout sa Rehiyon 6 halos kompleto na

March 14, 2021 Uncategorized

SYUDAD SANG ILOILO, Hulyo 1 (PIA) — Halos nakompleto na sang Department of Social Welfare and Development (DSWD) 6 ang pagbayad sang nahauna nga semestre nga pensyon sang mga kwalipikado nga mga kubos nga tigulang sa Nakatungdan Bisayas.

Sa virtual presser nga ginpatigayon sang Hunyo 29, ginpahayag ni DSWD 6 Technical Assistance and Resource Augmentation program Focal Person Rayner Jude Lobaton 357,461 o kon 98 porsyento sa 365,906 ka mga target nga social pensioner sa rehiyon ang nakabaton na sang ila nga pensyon.

Gindugang sini nga P1,072,383,000.00. ang napaguwa na para sa nahauna nga semestre nga social pension sang mga kwalipikado nga mga kubos nga tigulang nga kada isa nagbaton sang P3,000 para sa ila anum ka bulan nga pensyon.  

Sa idalum Social Pension for Indigent Senior Citizens nga programa sang gobyerno, ang tagsa ka kwalipikado nga tigulang magabaton sang P500 sa tagsa ka bulan bilang bulig sa ila matag-adlaw kag medikal nga kinahanglanon.

Ginpahayag ni Lobaton nga natapos naman nila ang distribusyon sang ila wala mabayaran nga cash stipend sang nagligad nga tuig.

Tubtub sang Hunyo 28, 2020, ginpahayag sini nga ang DSWD 6 nakapagwa na sang P2,185,272,000.00 nga pondo para sa social pension program sang 2019. (JSC/laf/PIA6 Iloilo)

source https://pia.gov.ph/news/articles/1046269

Leave a Reply

This site uses Akismet to reduce spam. Learn how your comment data is processed.

%d bloggers like this: