KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: Mga mangingisda sa syudad sang Iloilo nagbaton fiberglass nga mga bangka

March 14, 2021 Uncategorized

ILOILO CITY, Septyembre 24 (PIA) – – Nakabaton ang panguluhang siyudad sang Iloilo sang 10 ka fiberglass reinforced plastic nga bangka nagikan sa Bureau of Fisheries and Aquatic Resources 6 (BFAR 6) kag DA – Office of Assistant Secretary for Visayas sa idalum sang National Fisheries Program sang gobyerno sa tunga sang nagaluntad nga pandemya tuga sang coronavirus disease 2019.

Ginsiling ni Joel Abalayan, Planning Officer sang BFAR 6 nga ang mga mangingisda nga benepisyaryo ang halin sa lima ka mga baybayon nga barangay sang syudad nga ginalakupan sang Sto. Nino Norte, Sto. Nino Sur, Calaparan, Calumpang kag San Juan. Ginpili ang mga benepisyaryo sang talatapan ni Assistant Secretary for Visayas Hansel Didulo sang Department of Agriculture.

Ginbaton ni Mayor Jerry Trenas kag sang mga benepisyaryo ang fiberglass nga bangka nga nagabalor P600,000 ukon P60,000 kada isa nagikan kay Didulo kag BFAR 6 Director Remia Aparri sa tion sang the turn-over ceremony ginhiwat sang Martes, Septyembre 22 sa Iloilo Freedom Grandstand.

Suno kay Trenas ang inisyatibo nagatuyo sa paghatag sang suporta para sa capacity enhancement sa mga lokal nga mangingisda kag mapalapnag ang modernisasyon sang fisheries practices nga magabulig sa ila agud masarangan ang mga pinansyal nga pagpanghangkat dala sang krisis sa ekonomiya.

Ginpasalamatan naman ni Trenas ang DA kag BFAR bilang isa ka maayo nga katuwang sang Iloilo City Government sa pagtukod sang mga maayo nga oportunidad para sa mga tawo. (JSC/laf/PIA6 Iloilo)

 

source https://pia.gov.ph/news/articles/1054036

Leave a Reply

This site uses Akismet to reduce spam. Learn how your comment data is processed.

%d bloggers like this: