KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: Malacañang ginpasalamatan sa pagbulig nga makapauli ang mga LSI

March 14, 2021 Uncategorized

SYUDAD SANG ROXAS, Capiz, Hulyo 23 (PIA) – Ginpaabot ni Gobernador Esteban Evan Contreras ang iya kalipay kag pagpasalamat kay Pangulong Rodrigo R. Duterte kag Senador Christopher Lawrence “Bong” Go sa madinalag-on nga pagpauli sa probinsya sang Capiz sang 123 nga mga Capiznon nga Locally Stranded Individuals (LSI) sa Luzon pinaagi sa special flight sang Cebu Pacific sadtong Hulyo 21.

Gindugang pa sang gobernadora sa iya mensahe nga ginpaagi sa Facebook live nga video nga nangin madali kag organisado ang proseso bangud sang bulig sang Presidente kag senador.

Ginatumod ni Contreras nga nakapahapos sa pagpauli sang mga LSI amo ang “Hatid Tulong Program” nga inisyatibo sang Office of the President, COVID-19 National Task Force, Department of Transportation kag iban pa nga mga ahensya sang gobyerno agud nga magbulig sa mga LSI, OFW repatriates kag iban pa nga mga apektado nga Pilipino sang COVID-19 nga pandemic nga makapauli sa ila tagsa ka mga pamilya sa probinsya.

Ginsug-alaw sang gobernador ang nag-alabotan nga mga LSI nga igapaidalum naman sa 14 ka adlaw nga facility quarantine kag swab test agud nga mapat-ud nga luwas sa COVID-19 nga impeksyon ang mga natungdan nga LSI sa ti-on sang ila liwat nga pag-ulupdanay sang ila pamilya kag mga himata.

Samtang, ang paglupad balik sa Manila sang Cebu Pacific nga eroplano ang nagkarga man sang 146 ka mga LSI sa probinsya sa paghalin sa Roxas City Airport.

Nahibaluan nga ginapahanugutan na ang Cebu Pacific kag Philippine Airlines sang isa ka special flight tagsa ka semana para sa mga Capiznon lamang nga mga pasahero nga magapauli sa probinsya.

Base sa Hulyo 22 nga rekord sang Provincial Disaster Risk Reduction and Management Office, naglab-ot na sa 1,220 ka mga OFW repatriates kag 4,606 ka mga LSIs ang nakabalik sa probinsya sang Capiz. (JBG/AAL/PIA Capiz)

source https://pia.gov.ph/news/articles/1048391

Leave a Reply

This site uses Akismet to reduce spam. Learn how your comment data is processed.

%d bloggers like this: