KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: ‘Hatid Tulong’ nagdala sang 77 ka Capiznon balik sa probinsya

March 14, 2021 Uncategorized

SYUDAD SANG ROXAS, Capiz  Hulyo 30 (PIA) – Nakabalik sa probinsya ang 77 ka mga Locally Stranded Individuals nga mga Capiznon sang Hulyo 28
sa bulig sang “Hatid Tulong” nga programa sang nasyonal nga gobyerno sa kooperasyon sang natungdan nga mga lokal nga gobyerno.

Ginpahayag ni Judy Grace Pelaez nga hepe sang Provincial Disaster Risk Reduction and Management Office nga ang mga LSI ang magapaidalum sa 14 ka adlaw nga quarantine pag-abot sa ila mga kabanwahanan kag swab test agud nga mapasiguro nga luwas sila sa COVID-19 nga balati-an sa ti-on nga sila ang makaupod na sang ila tagsa ka mga pamilya.

Base sa rekord sang PDRRMO, ang 77 ka mga LSIs ang nagikan sa mga kabanwahanan sang Tapaz nga may 16 ka nagbalik nga pumoluyo; President
Roxas, 12; Pilar, 8; Dumarao, 7; Panitan, 7; Pontevedra, 6; Dumalag, 5; Maayon, 5; Dao, 5; kag Cuartero, 2.

Kalakip man sa nag-abot nga mga LSI ang 4 ka mga residente sang syudad sang Roxas nga kabahin sang masobra 900 ka mga pasahero sang Hatid Tulong nga biyahe sang MV St. Michael The Archangel sang 2GO Shipping Lines nga naghalin sa Manila sang Hulyo 27 kag nag-abot sa Fort San Pedro sa Iloilo City sa udto sang Hulyo 28.

 Ang pagbiyahe sang mga LSI halin sa Fort San Pedro sa Iloilo ang ginpatigayon sang lokal nga panguluhan sang probinsya pinaagi sa PDRRMO, Capiz Emergency Response Team kag Capiz Police Provincial Office. (JBG/AAL/PIA Capiz)

source https://pia.gov.ph/news/articles/1048965

Leave a Reply

This site uses Akismet to reduce spam. Learn how your comment data is processed.

%d bloggers like this: