KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: ‘Contact tracing’ sang Bacolod City ginpanugyanan nga pabaskugon

March 14, 2021 Uncategorized

SYUDAD NG BACOLOD, Septyembre 10 (PIA)—Si Retired Major General Melquiades Feliciano, hepe sa pagpatuman sang COVID-19 Visayas Inter-Agency Task Force (IATF), nag rekomendar nga nagakadapat nga pabaskugon sang Syudad sang Bacolod ang contact tracing nga programa kag ang mass testing himuon na lang para sa pag-tuon o research.

Pinaagi sini, suno sa iya, mahibaluan ang mga nag positibo kag ma isolate sa gilayon dala na ang mga nakig-upod sa ila.

Sa isa ka virtual press conference, ginpahayag niya nga sya may tuyo maghiwat sang “specific targeting” apang sa ulihi na lang.  

Ini gin-ugyunan ni Dr. Mary Jean Leroche sang Department of Health Region 7 nga nag pahayag nga ang mass testing himuon lamang para mahibaluan ang kadakuon sang epekto sang COVID-19 sa isa ka komunidad.

Suno sa iya ang mass testing nga ginhiwat sining karon lang sa Bacolod kag sa mga kaiping nga kabanwahan kag syudad, isa ka mapuslanon nga programa nga naghatag sang naga kaigo nga laragway sa kahimtangan sang mga komunidad dire bahin sa COVID-19.

Ila man gin rekomendar nga ang paghiwat sang ‘surveillance study’ sa isa ka komunidad agud mahibaluan kon ano ka epektibo ang pagpatuman sang mga pagsulundan sa ikaayong-lawas.

Iya gin klaro nga hindi sila ang maga panubo sang mga kaso sang COVID-19 kundi ang kooperasyon mismo sang mga pumoluyo.

Ila gina patuman dire ang mga maayo nga patakaran nga ila gin-usar sa pagpanubo sang kaso sa syudad sang Cebu.

Si Leroche kag Feliciano duha lamang sa pila pa ka mga gin padala ni Pangulo Rodrigo Duterte sa syudad sang Bacolod agud buligan ang pagpanubo sang nga kaso sang COVID-19.

May 4,384 ang nag pasakop sang mass testing sadtong Agosto 28 tubtob Setyembre 1, kon diin 531 ang nagpositibo o may positivity rate nga 12.11%.

Suno kay Bacolod City mayor Evelio Leonardia, may yara na subong sang 2,032 nga mga nagpositibo sa COVID-19 nga sadtong tinalikdan lang nga bulan sang Agosto ini 385 lamang  o may pagsaka sang 527 porsyento. (JSC/Lljr/PIA6 Negros Occidental)

 
 

 

source https://pia.gov.ph/news/articles/1052681

Leave a Reply

This site uses Akismet to reduce spam. Learn how your comment data is processed.

%d bloggers like this: