KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Hiligaynon News: 11 ka mga banwa sa Capiz nagasuporta sa anti-terrorism bill

March 14, 2021 Uncategorized

SYUDAD SANG ROXAS, Capiz, Hulyo 1 (PIA) – Kapin sa  11 ka mga kabanwahanan sa Capiz  ang una na nga nagpaabot sang suporta sa Anti-Terrorism Bill.

Base sa Hunyo 29 nga rekord sang Capiz Police Provincial Office, ang mga kabanwahanan sang Cuartero, Dao, Dumalag, Ivisan, Maayon, Mambusao, Panay, Panitan, Pilar kag Tapaz ang nagapaabot na sang ila suporta sa amo nga hagna.

Ginpahayag ni Major Renante Matillano nga acting chief sang Provincial Operation Management Unit sang CPPO nga kinahanglanon nga magbinuligan sa pagpaabot sang suporta ang mga lokal nga opisyal agud mangin bilog ang Capiz para sa nasambit nga hagna.

Si Matillano amo ang nagpresenta, sa presensya ni Capiz police director Col. Julio T. Gustilo, Jr., sang mga hinimuan kag kadalag-an sang CPPO sa pagsinapol sang Provincial Peace and Order Council nga gintambongan man sang mga alkalde subong man tiglawas sang mga kabanwahanan kag madamo pa nga iban.

Gindugang pa ni Matillano nga ang report sang mga nagsuporta sa anti-terror bill ang magalab-ot sa Campo Crame kag ginalauman nga makita ni Presidente Rodrigo Dutere ang mga lokal nga panguluhan nga wala pa makapakita sang suporta sa natalana na nga pirmahan sang Pangulo nga anti-terror bill.

Apang, ginpabutyag man sang opisyal sang CPPO nga ang iban nga mga kabanwahanan ang “on process” naman ang status sang ila pagpirma sa “manifesto of support” para sa pagpasa sang amo nga kasuguan.

Ang probinsya sang Capiz ang may 16 ka mga kabanwahanan kag isa ka syudad nga amo ang Roxas City. (JBG/AAL/PIA Capiz)

source https://pia.gov.ph/news/articles/1046348

Leave a Reply

This site uses Akismet to reduce spam. Learn how your comment data is processed.

%d bloggers like this: