KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Yap mimandu pagpa-half mast sa bandila alang sa kanhi gobernador

March 14, 2021 Uncategorized

TAGBILARAN CITY, Bohol, July 8 (PIA) — Gimandu ni Gobernador Arthur Yap ngadto sa mga mayor ug mga hepe sa mga buhatan sa Bohol sa paghatag sa katapusan’g pagtahud sa kanhi gobernador kinsa mingtaliwan na sa laing kalibutan Hulyo 8, 2020.

Hinuon, wala ipaambit sa gobernador ang kasayuran kon unsay kina-ingnan sa kamatayon sa abogado nga kanhi gobernador sa Bohol. 

Pinaagi sa Memorandum Circular nga walay serye, gipahibaw usab ni Gob Yap sa daku nga kasubo ang kamatayon ni kanhi Gobernador Victor dela Serna, natudlo nga Officer-In-Charge sa Bohol sa Revolutionary Government niadtong panahon ni Presidente Corazon Aquino.

Gitahud nga magbabalaod kinsa mipalubad sa ilang kalantip sa panghunahuna dihang nakuha niya ang labing gidumtan nga makakuha sa numero-uno sa bar alang sa mga abogado, si Atty dela Serna mipili sa kinabuhing magbansay sa pangabogar human iyang gitapos ang iyang pagkatudo isip OIC sa Bohol.

Daghan nga nasuheto sa hamubo nga administrasyon ni dela Serna mibutyag nga ang unang laraw alang sa pagtukod sa tugpahanan sa Panglao, butang nga mainiton niyang gipalubad, ug kini gipaambit hangtud nga nasugdan ang opisyal nga mga lakang sa sunod nga gobernador, Constancio Torralba.

Sa dako nga kawad-on sa Bohol sa pagtaliwan ni Dela Serna, giaghat ni Gob Yap ang mga Bol-anon sa paglitok og mga pulong sa pag-ampo ug pagsaka og pamisa alang sa kanhi gobernador.  

Gimandu usab ni Yap ang pagpakayab sa bandila sa half mast, agi og pagsubo ug pagbangutan sa kamatayon sa de campanilla nga abogadong Bol-anon.

Subay sa Section 27 sa Implementing Rules and Regulations sa Republic Act 8491 o ang Flag ug Heraldic Code of the Philippines,  matud pa ngamahimong imandu ang pagpakayab sa bandila sa katunga sa iyang flagpole agi og pagbangutan dungan sa adlaw sa paglubong sa nasudnon o local nga opisyal sa kagamhanan, gitudlo man o gipili.

Mipahinumdom usab si Gob Yap nga ang paghimo sa half mast, gikinahanglang nga ituboy una ang bandila sa kinatumyang bahin sa flagpole sa dili pa kini hinayhinay nga ikanaug taman sa katunga sa flagpole.

Susama usab ang mahitabo kon ipakanaug na ang bandila, ituboy kini gikan sa half-mast ngadto sa kinatumyan nga bahin sa flagpole sa dili pa ipakanaug aron hiposon. (rahchiu/PIA-7/Bohol)  

 

 

 

source https://pia.gov.ph/news/articles/1047019

Leave a Reply

This site uses Akismet to reduce spam. Learn how your comment data is processed.

%d bloggers like this: