KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Wala usa’y pasudlon sa Bohol hangtud Mayo 31

March 14, 2021 Uncategorized

TAGBILARAN CITY, Bohol, May 1 (PIA) — Ubos man ang risgo sa Bohol sa coronavirus disease (COVID-19) sumala sa bahig sa nasudnong kagamhanan, nahukman sa kagamhanan nga probinsyal sa Bohol sa pagpadayon sa pagtuman sa mga lakang subay sa kwarantina.

Pinaagi sa Executive Order No 28, nga nagpahimutang sa lalawigan sa Bohol sa General Community Quarantine aron matubag pa gihapon ang hulga sa COVID-19, gidasonan sa kagamhanan sa Bohol ang padayon nga pagpugong sa pagpasulod sa Bohol sa mga pasahero gikan sa gawas sa lalawigan, ang lukop nga curfew, liquor ban, pugos nga pagpasul-ob sa face mask, gidumala nga pagpabukas sa mga dapit negosyohan basta magsubay sa mga bag-ong kinaiya, ug ang pagpatuman sa one household one pass.

Segun pa sa EO 28, inay sa Abril 30 ang utlanan sa pagpugong sa pagpasulod sa mga pasahero ug Bol-anong naa sa gawas sa lalawigan, gisibug na usab kini nagdto sa katapusan sa Mayo niining tuiga.

SUMBANAN SA LUWAS NGA PAGKINABUHI. Gisul-on sa mga medical frontliners ang tabon sa nawong awon dili malagsikan sa laway sa ikaestorya samtang ang kalibutanan nagkahiusa sa pagbuntog sa kagaw nga karon nanakod ug nafpahunos na sa kinabuhi sa dagnanang tawo. (PIA Bohol file photo) 

Sugod usab sa Mayo 1, 2020 ipatuman pa gihapon ang curfew gikan sa alas 9:00 sa gabii ngadto sa alas 5:00 sa buntag taman sa Mayo 31.

Samtang naa sa curfew ang Bohol, ipatuman usab gihapon ang pagsira sa mga tunghaan, pagdili sa pag-inum-inum sa publiko, ang pagmintinar sa us aka metros sa labing duol nga tawo, pagpugong sa pagtapoktapok, pugos nga paggamit sa hijaw (face mask), gidumala nga pagbukas sa mga lugar negosyohan ug ang one-household, one-pass nga polisiya.

May mga probisyones na usab sakay sa EO 28 nga medyo luag-luagan na ang pagpagawas sa mga kapin sa 65 anyos ug mga menor de edad.

Dugang pa sa bag-ong EO, mahimo na usab nga buksan ang mga industriya sa manufacturing sama sa  imnonon, makinarya ug kahimanan, pandayan ug woodshops nga manghimog mwebles, tighimog papel, tighimo og plastic ug goma, pino nga mga produktong petrolyo, computer ig electronic nga mga produkto, optical products, tighimo og tambala nag sa kasanihan ug mga produktong abag sa paglikay sa katalagman, malls ug commercial centers, barberohan, salon, spa ug uban pang serbisyo sama sa real estate, opisina, buhatan sa mga abogado, insurance, construction, mga buhatan nga naghimog research ug scientific nga pag-ugmad.

Apan, dugang sa EO, kining tanang buhatan nga nahisgutan, kinahanglang magsubat sa batakan sa Department of Health sa kalimpyo, may nga himan nga magmonitor sa temperature sa mga mosulod nagdto, dili pasudlan sa mga kostumer nga may nga simtomas nga gipakita usab sa mga may COVID-19, pagbutang og hunawanan o alcohol based hand sanitizers sa entrada niini.

Kinahanglan usab sila nga magbutang og tumbanan sa tiil sapatos o sinelas nga may tambal pamatay kagaw, maghimo og kada adlaw nga pagpatay sa kagaw ug katulo sa us aka adlaw nga pagpamatay sa kagaw sa lugar nga daghang tawo.

Kinahanglan usab silang magpatuman sa palisiya sa pagpugongsa pagpunsisok sa tawo sa sulod sa ilang buhatan, pagbutang og help desk alang sa senior citizens, PWDs ug buntis, ug  ang pagbutang og lugar kan-anan sa ilang trabahante nga dili magduol, subay sa social distancing. (rahc/PIA-7/Bohol)

source https://pia.gov.ph/news/articles/1040550

Leave a Reply

This site uses Akismet to reduce spam. Learn how your comment data is processed.

%d bloggers like this: