KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Usa sako nga bugas, P4 mil, 500 sa solo parents sa Tagbilaran City

March 14, 2021 Uncategorized
P500 UG P4000. Alang sa mga solo parents nga wala gyud maatul og hatag sa SAP nga ayuda, may P500 ang syudad samtang may P4,000 ang kabus nga wala na maabti sa SAP, matud ni City Mayor Yap. (PIA Bohol/BabaYap)

CORTES, Bohol, May 13 (PIA) — Gawas sa libre nga usa  ka sako nga bugas humay ngadto sa mga panimalay nga wala ma-apil sa Social Amelioration Program (SAP) sa kagamhanan, tag P4,000 ang madawat sa matag panimalay nga nahasukip sa susamang sumbanan nga gisubay sa Department of Social Welfare and Development (DSWD) alang sa SAP, gikan sa Tagbilaran City.

Kini maoy gipadayag ni City Mayor John Geesnell Yap II, agi og pagtamud sa lapad nga kamatuoran nga dili lamang kadtong labing kabus ang naapektohan niining mga lakang batok sa pagdaghan sa coronavirus disease (COVID-19).

Kahinumduman nga dala sa Bayanihan To Heal as One Act, nagpahat ang nasudnong kagamhanan gikan sa mga wala magamit nga pundo sa mga ahensya, sa P200 bilyones aron ikahatag isip cash nga ayuda sa mga panimalay nga apektado sa COVID.

Subay sa guidelines nga gipagawas sa DSWD, nagtumbok ang mga local nga kagamhanan sa mga pamilya nga angay ayudahan, apan niini, daghan pa gihapon ang panimalay nga wala makasulod sa listahan, tungod usab sa  ka-estrikto sa palisiya nga gisubay.

Dihang nakita sa syudad ang kadaku sa pudyot sa katilingban nga nanginahanglan pa nga matabangan, nakahukom kini, uban sa Sangguniang panglungsod, nga mohatag gikan sa ilang kaugalingon nga pundo.

Sa iyang pamahayag sa iyang facebook page, matud ni Mayor Yap nga “Tungod kay dile tanan ang mahatagan sa DSWD social amelioration program, kuyog sa 14th SP, mo sakripisyo ta og infrastructure project para makahatag ta og tag 4,000 pesos kada qualified nga pamilya.

Hinuon, gipasundan kini sa mayor pagpasabut nga ang ilang basehan sa pang-ayuda, mao gihapon ang susama nga guidelines sa DSWD SAP.

Segun sa SAP Guidelines, mahatagan sa ayuda kadtong mga panimalay nga ubos og kita, kadtong mga panimalay nga ang kita gikan sa subsistence economy, nga pili-on usab segun sa grabe nga epekto sa deklarasyon sa mga lakang batok COVID sa ilang kasamtangan nga sitwasyon.

Sila ang mga benepisaryo sa Pantawid Pamilyang Pilipino Program, informal economy workers sama sa nag-inadlawan, gikontrata, mga katabang, mga drivers sa pampasaherohan, mga mag-uuma, kadtong no work no pay, mga stranded nga mga indibidwal, senior citizens, PWDs, buntis ug nagpasoso, single parents, OFWs nga nagkalisud, mga indigenous peoples, mga walay panimalay ug mga kabus ang kahimtang.  

Subay usab niini, isip paghatag og pagtagad ug importansya sa [atong] mga ginikanan, ilabi na sa mga inahan, muhatag ang City Government og P500 pesos sa tanang solo parents sa Tagbilaran City gawas niadtong nakadawat og SAP, matud ni Mayor Yap.

Dugang niini, pahinumdom sa mayor: Dalha lang ang inyong solo parent ID (kadtong naay pirma sa Mayor hangtud May 9, 2020) ug adtoa sa City Mayor’s Office sugod sa May 15 hantod May 25.

Panapos sa mayor, lakip ua usab niini ang solo parents nga lalaki. (rahc/PIA-7/Bohol)

source https://pia.gov.ph/news/articles/1041626

Leave a Reply

This site uses Akismet to reduce spam. Learn how your comment data is processed.

%d bloggers like this: