KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Upat ka lungsod sa Bohol padayon pagduso sa SAP liquidation

March 14, 2021 Uncategorized
GIKAN SA DSWD. Aduna pa gihapoy LGU nga wala pa makatibawas sa ilang liquidation reports sa SAP, hinungdan nga may kalangan pa usab ang pagpaawas sa ikaduhang hugna sa ayuda. (PIA Bohol/DSWD7)

TAGBILARAN CITY, Bohol, June 5, (PIA)—Upat na lamang ka kalungsuran sa Bohol ug 5 ka lungsod sa Sugbo ang wala pa matibawas sa pagduso sa liquidation reports sa mga pundo nga gigahin pagpang-apud-apod sa Social Amelioration Program (SAP).

Segun sa Department of Social Welfare and Development (DSWD) Regional Field Office 7, 44 na sa 48 ka kalungsuran sa Bohol ug 48 sa 53 ka kalungsuran sa Sugbo ang nakaduso na sa mga liquidation papers sa SAP, aron makasugod na usab og proseso sa ikaduhang hugna sa SAP.

Sa Bohol, ang mga kalungsuran sa Anda, Batuan, Tagbilaran City ug Talibon na lang ang nagkamolo og apas sa ilang liquidation papers, segun sa taho sa DSWD niadtong Hunyo 4 sa may alas 11 sa kaudtohon.

Kini, matud pa sa DSWD, naa na ang Bohol sa 91.67% nga completion rate.

Sa laing bahin, ang Sugbo nga may 5 na lamang usab ka kalungsuran nga wala pa makatibawas sa pagduso sa ilang liquidation reports, nakakab-ut na sa 86.79% nga completion rate.

Ang mga silingan nga lalawigan sa Negros Oriental ug Siquijor, unana nga nakakuha sa 100% liquidation reports submission.

Sa tibuok rehiyon, mitala na ang DSWD sa 91.67% nga completion sa liquidation sa SAP, samtang ang nasudnong DSWD pinaagi ni Kalihim Rolando Bautista nangandam na usab aron ikapang-hatag ang sunod nga hugna sa SAP karong semanaha.

Apan bisan pa sa naulahi nga mga taho gikan sa Bohol, gipasidunggan sa DSWD 7 ang lungsod sa Loboc tungod sa iyang pagkamodelo sa pagpang-apud-apod sa ayuda nga nasukip sa Bayanihan to Heal As one Act agi og Emergency Relief Assistance alang sa mga kabus, ubos og kita, sa mga naglisud ilabi na sa mga grabe ka apektado sa nagpadayon nga mga community quarantines.

Kon matibawas na sa mga LGUs og makompleto ang liquidation sa unang hugna sa SAP, anha pa magsugod ang DSWD sa paghimo og proseso sa validation, nga usa  ka importanteng paagi aron ilhon ug matumbok kadtong matuod gayud nga benepisaryo sa SAP, kini segun pa ni DSWD Secretary Bautista sa usa  ka virtual presscon.

Sa iyang taho nagdto sa nasud, gibutyag ni Sec Bautista nga kapin sa P99.7 billion nga bili sa SAP subsidies ang nahatag sa kagamhanan sa kapin sa 17.6 milyones ka kabus ug ubos ang kita nga banay. (rahc/PIA-7/Bohol)

source https://pia.gov.ph/news/articles/1043924

Leave a Reply

This site uses Akismet to reduce spam. Learn how your comment data is processed.

%d bloggers like this: