KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Travel Authority ipakita sa mga QCP aron pasudlon, makalabang

March 14, 2021 Uncategorized
SA MGA BAG-ONG NAKAULI. Ang mga nagdumala sa Quarantine Checkpoints (QCP) magita gyud sa inyong Travel Authority aron mo makasulod sa inyong mga lugar gigikanan, kini usab human ninyo mapapruwebahi nga luwas kamo sa COVID-19 segun sa Medical Clearance Certificate. (PIA Bohol/PNP Bohol) 

TAGBILARAN CITY, Bohol, June 5 (PIA) — Sa mga locally stranded individuals (LSI) nga buot na nga manguli, gikinahanglan nga may ikapakita nga Travel Authority (TA), aron pasudlon sa mga napahimutang nga Quarantine Checkpoints (QCPs).

Kini segun pa ni Police Major General Emmanuel Luis Licup, ang Director for Operations sa Philippine National Police sa memorandum kabahin sa pagpahimutang og guidelines sa pagdawat sa mga tawo nga magtabok-tabok ubos sa General Community Quarantine (GCQ) ug Modified General Community Quarantine (MGCQ).

Kadtong motabok sa laing probinsya, o sa laing rehiyon bisan pa kon alang sa dili kapugngan nga pagbyahe o emerhensya, kinahanglang magkuha gyud og TA, gawas pa, ang ang susama nga dokumento kuhaon gayud, ilabi na kon dili kaayo kinahanglan nga pagbyahe sa lugar nga naa sa GCQ ngadto sa MGCQ o MGCQ ngadto sa GCQ.

Segun sa Memorandum nga magpadayag sa mga guidelines sa pagpasulod ug pagpagawas sa mga tawo, matud ni Gen. Licup nga makuha lamang ang TA kon makapresentar usab ang mogamit niini sa duha  ka dokumentos.

Matud niya, gikinahanglan ang Barangay certification gikan  sa Barangay Chairman nga magmatuod nga ang mobyahe, walay sakit sa COVID ug walay gipakita nga simtomas sa 14 ka adlaw sa wala pa mokuha sa Sertipikasyon.

Kini nga Sertipiko  maoy magsilbe nga endorsement ngadto sa City o Municipal Health Offices sa paghimo og medical examination sa tawo nga mobyahe.

Ikaduha, human makuha ang Sertipiko gikan  sa Barangay Chairman, kinahanglan usab siya nga mokuha og Medical Clearance Certificate gikan sa City o Municipal Health Office.

Kini nga Medical Clearance Certificate mahimong iduso ngadto sa Barangay Chairman, kinsa maoy magpalihok sa mga koordinasyon sa LGU nga abtan ug destinasyon aron may modawat dayun sa mobyahe.

Sa laing bahin, mahimo usab ang Medical Clearance Certificate nga iduso ngadto sa Help Desk sa Municipal o City Police Station, aron mapasugdan usab ang pagproseso ug mapahibaw ang lugar nga adtroan, pinaagi sa buhatan sa kapolisan.

Kon may makuha nga Medical Clearance Certificate nga gikan sa usa  ka accredited Department of Health hospital, mahimo na kini nga maoy ibalik sa Barangay Chairman o sa Help Desk sa local nga kapolisan.

Saysay ni General Licup nga ang pagpagawas sa Travel Authority mahimo sa mga nagkadaiya nga hut-ong sa Police Command.

Alang sa pagbyahe tabok sa mga lalawigan sulod sa rehiyon, ang mga hepe sa mga kapolisan nga mao usab ang gitahasan sa Provincial Director, mahimo nga mao nay mopirma sa authority.

Alang sa pagtabok ngadto sa lain nga rehiyon, and mga Provincial ug City Police Directors maoy gitahasan nga mao nay mopirma sa Travel Authority sa katungod usab sa Regional Director.

Ang nasampit nga mga commanders maoy magsuperbisar sa ilang mga Hepe sa Kapolisan ug sa pagpabarug sa mga Help Desks aron pagseguro nga kadtong magkinahanglan sa TA, mas dali nga makakuha og matabangan ilabi na sa pagpahiluna usab sa lugar nga abotan sa mobyahe.

Hinuon, matud pa ni Gen. Licup, wala did-I ang mga mas labaw nga opisyal sa pagpagawas sa TA.

Pahinumdom sa Police Director of Operations, kadtong mobyahe nga walay TA paga pugngan sa pagsulod ug paglabang sa QCP nga gidumala sa kapolisan ug kasundalohan.

Gimandu usab ni Gen Licup nga kadtong mga kapolisan nga nagbantay sa mga QCPS, kinahanglan nga mopakita og pailub apan magmalig-on sa ilang mandatus sa pagpatuman sa mga balaod sa kwarantina. (rahc/PIA-7/Bohol) 

source https://pia.gov.ph/news/articles/1043927

Leave a Reply

This site uses Akismet to reduce spam. Learn how your comment data is processed.

%d bloggers like this: