KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: ‘TANOD COVID’ gihanyag sa kagamhanan ngadto sa LGUS

March 14, 2021 Uncategorized
TINABANGAY SA PAGBANTAY. Gipasabut sa DOST ang TANOD COVID didto sa tigum sa STRATCOM sa BIATF MEID sa miaging semana sa tumong nga may magamit ang katawhan sa pagtaho sa mga simtomas nga ilang nasinati, aron mas sayo silang maabut sa mga tinugyanan sa kasanihan. (PIABohol) 

CORTES, Bohol, July 15 (PIA) — Gikan sa Department of Science and Technology (DOST), giduso sa mga tinugyanan ang usa  ka sistema nga magamit sa mga local nga kagamhanan aron kahatagan og kahigayunan ang ilang mga residente nga makataho sa mga simtomas sa sakit nga kasamtangan ilang nasinati.

Ang TANOD-COVID usa ka Sistema nga napahaum sa panginahanglan sa panahon ug pinaagi sa text messaging, ang usa  ka residente sa usa  ka lugar makatext ngadto sa gikasabutan nga numero nga gigalam usab sa usa  ka tawo sa munisipyo.

Kini usab kung ang munisipyo narehistro sa TANOD COVID aron ang ilang gigamit nga numero, makaabut usab sa nasudnong database, ug katabangan sila kon may taho man nga isipon sa Department of Health (DOH) nga possible nga timailhan na sa COVID.

Gani, aron mas sayon ang reporting, may gitanyag ang Sistema nga kapilian ug letra lamang ang itext nga katumbas sa nasinati nga simtomas, pasabut sa DOST.

Ang nag-atiman usab sa numero nga tua nakabase sa munisipyo, mao nay manawag sa nagtaho pinaagi sa text, alang sa beripikasyon ug pagsuta kon unsa ka tinuod ang taho ug makakuha pa og dugang impormasyon nga kinahanglanon sa mga hingtungdan nga ahensya nga motabang.

Sa katungod sa LGU isip rehistrado sa TANOD COVID, mahimo nila nga makit-an sa web ang kinatibuk-ang hulagway sa mga taho nga giduso, natumbok sa LGU kon diin dapita nagdaghan ang simtomas ug matumbok na dayon diing dapita sa ilang lugar magbutang og mass testing o paglockdown.

Makatabang usab ang Sistema sa DOH, kay makita man dinhi kon diin nga mga dapit ang nagdaghan ang simtomas nga timailhan sa local nga pagpanakodtakod ug dinhi na ikabubo sa DOH ang ilang tabang alang sa komunidad.

Ug sanglit kining inisyatiba, gikan sa kagamhanan, libre ang pagtext ug paggamit sa Sistema sa TANOD COVID.

Hinuon, aron imong magamit, kinahanglan nga ang imo nga LGU rehistrado sa TANOD COVID ug mahimo lamang kini kon ang LGU mopadala sa Letter of Intent ngadto sa fassster.covid@gmail.com.

Ang TANOD COVID kauban sa Feasibility Analysis of Syndrome Surveillance Using Spatio-Temporal Epidemiological Modeler (FASSSTER) alang sa mas sayo nga pag-ila sa sakit: proyekto sa DOH, DOST, Philippine Council for Health Research and Development, ug sa Ateneo de Manila University.

Pinaagi usab sa FASSSTER, sayun na nga matan-aw sa mga kalungsuran ug LGUs pinaagi sa usa ka model, gamit ang gihiusa nga mga datus gikan sa DOH, ug sa mga local nga mga pagtaho, aron kapangandaman sa LGU ang possible nga pagkatag sa sakit ilabi na kon kining matang, malakip niadtong mga sakit nga grabe ka manananakod, pasabut sa DOST. (rahc/PIA-7/Bohol)

source https://pia.gov.ph/news/articles/1047634

Leave a Reply

This site uses Akismet to reduce spam. Learn how your comment data is processed.

%d bloggers like this: