KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Syudad sa Tagbilaran, nakuha ang PRIME-HRM Bronze Award gikan sa CSC

March 14, 2021 Uncategorized

TAGBILARAN CITY, Sept. 15 (PIA) — Nakuha sa kagamhanang syudad sa  Tagbilaran ang Bronze Award ubos sa Program to Institutionalize Meritocracy and  Excellence in Human Resource Management (PRIME-HRM) gikan sa Civil Service Commission (CSC).

Sa 16 ka syudad sa Rehiyon 7, ang syudad sa Tagbilaran ang ikaduhang local government unit (LGU) nga nipasar sa makuting proseso sa pagpili sa maong pag-ila.

Kauban sa syudad sa Tagbilaran ang National Economic and Development Authority-7 ug Carcar Water District.

Ang PRIME-HRM usa  ka programa nga nagsusi sa human resource management practices, systems ug capabilities sa mga ahensya sa gobyerno nga nagkinahanglan og labi ka daghang engagement dili lamang sa mga HR officers apan lakip na usab sa mga opisyal ug sa mga rank-and-file employees sa mga ahensya.

Nagtinguha kini nga ipataas ang HR management sa pampublikong sektor ngadto sa lebel sa kamaayo kun ‘excellence’ ug usa kini sa mga proyoridad nga programa sa CSC.

Tinguha usab sa PRIME-HRM ang pagdasig sa mga ahensya sa gobyerno sa pagbag-o sa ilang sistema sa HRM nga nagsuporta sa mandato sa ahensya, paghatag og gahum sa mga ahensya sa performance niini sa human resource management functions, pag-duso ug paghatag og ganti sa mga maayo kaayo nga human resource management practices, magsilbi isip lugar alang sa binayloay ug pag-ugmad sa kahanas sa lugar sa human resource management tali sa mga ahensya sa gobyerno, ug magsilbi isip ‘search mechanism’ alang sa mga best practices sa human resource management.

Si Tagbilaran City Mayor John Geesnell L. Yap II sa iyang Facebook post, nipasalamat sa City Human Resource and  Management Development Office nga gipangunahan ni Karina Mae Uy ug City Administrator Cathelyn Torremocha sa maong award.

Sa ngalan sa syudad sa Tagbilaran, gidawat ni Yap ang maong award sa gipahigayong virtual awarding ceremony niadtong Setyembre 11, 2020. (ecb/PIA7-Bohol)

source https://pia.gov.ph/news/articles/1053267

Leave a Reply

This site uses Akismet to reduce spam. Learn how your comment data is processed.

%d bloggers like this: