KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Senior citizens, minors may mga adlaw na nga makagawas

March 14, 2021 Uncategorized

TAGBILARAN CITY, Bohol, May 1 (PIA) — Bisan sa pagpadayon sa curfew ug estrikto nga Home Quarantine sa mga nagpauigon og 65 anyos pataas ug mga menor de edad, may pipila n aka adlaw nga mahimo silang makagawas alang sa importante nga mga tuyo.

Agi og konsiderasyon sa Executive Order No. 16  nga nagtabon sa kinatibuk-ang Bohol sa curfew ug sa pagpailawom sa estrikto nga Home Quarantine sa mga kapin  sa 65 ug menor de edad, usa na usab ka amendment sa nahauna nga Executive Order ang sukip sa Executive Order No. 28 ni Gob Arthur Yap.

Pinaagi sa Executive Order 28, gipadayon man ang Executive Order No. 16, bisan pa kon una na kinining gipun-an og probisyones alang sa mga 65 anyos ug menor de edad nga nahilambigit sa kalihukan sa pagpanguma ug panagat aron may makaon, may kausaban na usab sa nasampit nga orden ehekutibo.

Segun sa Executive Order No, 28 nga gipirmahan ni Gob Arthur Yap Abril 29, gitugotan na ang tanan nga senior citizens bisan kadtong 65 anyos pataas sa paggawas gikan sa alas 6:00 sa buntag ngadto sa alas 6:00 sa gabii sa pipila ka adlaw.

Subay sa EO ug agi og pagkonsiderar sa popular nga hangyo sa mga senior citizens nga nanarbaho pa og gani maoy gisaligan sa pamilya, pagawason na sila pero sa adlaw nga Martes, Miyerkoles ug Huwebes lamang.  

Sa laing bahin, alang sa mga menor de edad, makagawas saila kon kuyogan sa ginikanan o tigbantay sa mga adlaw nga Lunes ug Biyernes gikan sa alas 6:00 sa sayo nga buntag ngadto sa alas 6:00 sa gabii.  

Hinuon, estrikto ang Executive Order NO 28 sa paglatid nga walay menor de edad nga tugotan nga makagawas kon ang kauban niini, nag edad og sobra sa 65 anyos pataas. (rahc/PIA-7/Bohol)

source https://pia.gov.ph/news/articles/1040576

Leave a Reply

This site uses Akismet to reduce spam. Learn how your comment data is processed.

%d bloggers like this: