KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: SB Larena nag-awhag: Pagsul-ob og face mask

March 14, 2021 Uncategorized

SIQUIJOR, June 26 (PIA) — Mipanday ang Sangguniang Bayan sa lungsod sa Larena og usa ka ordinansa nga nagmando sa mga katawhan sa paggamit o pagsul-ob ug face masks, face shield o uban pang protective gear kon mogawas sa balay o sa publiko nga lugar ning panahon sa COVID-19 pandemic.

Ang Ordinance No.07, series of 2020, nag suporta sa slogan nga “Wearing Mask is a Must”.

Ang mga lokal nga balaodnon gihimo isip pagpalig-on sa mando sa pagsul-ob ug face masks, face shield ug uban pang protective gear aron pagsumpo sa pagkatag sa virus.

Giawhag usab ang mga tag-iya sa pension houses, apartments, boarding houses, guest houses, resorts, ug uban pang susama nga establishments sa pagpagamit sa ilang mga trabahante ug guests sa face masks.

Sa tanang matang sa transportasyon, kinahanglan usab nga magsul-ob ug face mask ang driver ug ang mga pasahero.

Ang dili mosunod sa maong balaodnon, pahamtangan ug multa.

Sa first offense, P500 o community service sa munsipyo o barangay sulod sa upat ka oras.

Sa second offense, P1,000 ug community service sa unom ka oras ug sa third offense, P1,500 ug usa ka adlaw nga community service.

Ang usa ka minor dili mapahamtangan ug multa, apan ang ginikanan niini mao ang magatubag sa iyang kalapasan. (rac/Everlita Calibo/SAID)

source https://pia.gov.ph/news/articles/1045872

Leave a Reply

This site uses Akismet to reduce spam. Learn how your comment data is processed.

%d bloggers like this: