KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: SAP sa 21 ka lungsod sa Bohol, nahatag na -DSWD-7

March 14, 2021 Uncategorized

TAGBILARAN CITY, Bohol, May 8 (PIA) — Miabut na sa 44 porsyento ang pagkakompleto sa pagpanghatag sa Social Amelioration Program (SAP) sa mga kabus dinhi sa Bohol human nakahatag na ang mga 21 sa 48 ka mga kalungsuran sa hinabang.

Segun sa taho nga nakuha gikan sa Department of Social Welfare and Development Regional Field Office 7 sa ilang datus niadtong Mayo 7, 2020 sa alas 12 sa udto, kinatibuk-an nga P 969,948,000 sa P 1,090, 260,000 nga pahat sa Bohol sa SAP ang natugyan na sa mga banay nga gitabangan.

NANGUNA SA BOHOL. Ang tinabangay sa Pilar MSWDO yg DSWD maoy labing naka-ingon nga sila maoy labing una nga lungsud sa Bohol nga nakatunol sa Socoal Amelioration Program cash aid. (PIA Bohol/DSWD)

Ang mga lungsod nga nakahuman na mao ang mosunod: Pilar, Loboc, Loay, Dimiao, San Isidro, Trinidad, Getafe, Sagbayan, Alburquerque, Balilihan, Sikatuna, Clarin, Dagohoy, Duero, Guindulman, Sierra Bullones, Antequera, President Carlos P Garcia, Anda, Carmen ug Candijay.

Niini, segun pa sa DSWD, mikabat na sa 161,658 ka banay ang karon naggunit na sa P6,000 nga hinabang panghulip sa napalta nga mga trabaho ug pangita, ug sa mga pangbulit sa mga nabuslot nga panudlanan dala sa mga lakang sa paghugot sa mga komunidad tungod sa coronavirus disease (COVID).

Segun pa sa DSWD, ang nakab-ot sa Bohol parehas sa sitwasyon sa Negros Oriental nga nakakuha na sa 44 porsyento: ang duha ka lalawigan maoy nag-una sa kinatibuk-ang Central Visayas karon sa pagpanghatag.

Ang silingan nga lalawigan sa Sugbo, anaa pa sa 23 prosyento o 12 pa sa 53 ka lungsod ang nakahatag sa SAP samtang ang sa Siquijor, naa sa 17 porsyento o usa pa lamang ka lungsod ang nahuman og hatag sa SAP sa 6 ka lungsod, hangtud Mayo 7 sa udto.

Segun pa sa sumbanan sa SAP, kinahanglan nga human madawat sa mga kalungsuran ang downloaded funds sa SAP pinaagi sa DSWD, may lima lamang ka adlaw ang tagal alang sa mga LGUs sa pagpanghatag sa SAP ngadto sa mga kabus nga banay.

Hinuon, gikan sa Abril 30 nga adlaw nga unta nahatag na ang tanang hinabang, daghang mga kalungsuran ang nangayo og lugway sanglit dili nila matibawas ang pagpanghatag.

Human gilugwayan usab sa DSWD ang paghipno sa hinatagay sa mga kalungsuran, may 15 ka adlaw na usab sila sa pagliquidate  sa  pundo nga gidownload.

Sa pagka karon, 2 pa lamang ka lungsod sa Bohol ang nahuman sa ilang liquidation, samtang 27 ka kalungsuran ang kasamtangan pang naa sa pagpanghatag sa SAP sa ilang mga benepisaryo. (rahc/PIA-7/Bohol)

source https://pia.gov.ph/news/articles/1041279

Leave a Reply

This site uses Akismet to reduce spam. Learn how your comment data is processed.

%d bloggers like this: