KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Sa kalit nga pagsaka COVID-19 cases, Bohol posibleng ibalik sa ECQ  

March 14, 2021 Uncategorized
Nipagawas og mga pahinumdom si Gob. Arthur Yap kalabot sa pagpatuman sa quarantine restrictions sa Bohol aron malikayan ang pagkuyanap sa COVID-19 taliwala sa kalit nga pagsaka sa ihap sa kaso sa community-transmission sa maong sakit. Tungod niini, posibleng ibalik ang lalawigan ubos sa ECQ o sa laing mas estrikto nga quarantine level. (ecb/PIA7-Bohol)

TAGBILARAN CITY, July 24 (PIA) — Posibleng ibalik ang lalawigan sa Bohol ubos sa Enhanced Community Quarantine (ECQ) o sa laing mas estrikto nga quarantine level.

Taliwala kini sa kalit nga pagsaka sa ihap sa community-transmitted nga kaso sa coronavirus disease 2019 (COVID-19) sa lalawigan, matud pa ni Gob. Arthur Yap.

“It’s a move that we are considering right now. We are studying it…If there is a possibility that we are going back to a stricter community quarantine standard, (Maa kana’y atong gikonsiderar karon. Ato kana nga giestudyohan,  kon adunay posibilidad nga mobalik kita sa mas hugot nga community quarantine standard) himuon nato kung kinahanglan basta ma protektahan ang kadaghanan,” pagbutyag ni Yap sa usa  ka programa sa radyo Martes sa buntag.

Sigun pa kang Yap, 6 na ka community transmissions ang natala sulod lamang sa upat ka adlaw sugod niadtong Biyernes, Hulyo 17.

Sa niaging upat ka buwan, kasagarang kumpirmadong kaso sa COVID-19 sa Bohol mga locally stranded individuals (LSIs) nga gitohuang nakakuha sa maong sakit gawas sa probinsiya ug gipang-quarantine dayon sa ilang pag-abot sa lalawigan. Gitogotan lamang sila sa pagpaule human ang 14 ka adlaw human maayo gikan sa maong sakit kun napamatud-ang na-infected.

Giangkon sa gobernador nga ang bag-ong kaso sa mga community transmission sa Bohol hinungdan sa kabalaka.

Matud pa ni Yap nga makigpulong siya sa mga mayor sa Miyerkoles, Hulyo 22, atol sa kasaologan sa Bohol Day aron hisgotan ang posibilidad sa pagpabalik sa mas istriktong lebel sa community quarantine sa lalawigan.

Ang Bohol gipaubos sa Modified General Community Quarantine (MGCQ) sa nasudnong kagamhanan sugod Hulyo.

Ang MGCQ ang labing ubos nga quarantine lebel nga gisundan sa GCQ, MECQ ug ECQ.

Base sa datos gikan sa Bohol Inter-Agency Task Force (B-IATF), ang lalawigan may 70 na ka kumpirmadong kaso sa COVID-19 diin 23 ang aktibo, 44 ang nangaayo na ug 3 ang namatay. (ecb/PIA7-Bohol)

source https://pia.gov.ph/news/articles/1048231

Leave a Reply

This site uses Akismet to reduce spam. Learn how your comment data is processed.

%d bloggers like this: