KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Sa GHQ, may makagawas apan dili kay ‘magsurosuroy’ lamang

March 14, 2021 Uncategorized

CORTES, Bohol, May 2 (PIA) — Dili pa gihapon tugotan ang pagsuroysuroy bisan pa nga karon ang Bohol gipaubos na sa mas luag nga General Community Quarantine (GCQ).

Kini subay sa tamdanan nga gipagawas sa nasunod nga Inter Agency Task Force for the Management of Emerging Infectious Disease nga giaprobahan niadtong Abril 29, ug gilagdaan na ni Department of Health Secretary Francisco Duque isip chairperson ug ni Cabinet Secretary Karlo Alexie Nograles, Vice Chair.

Matud pa sa tamdanan, ang pagpagawas og tawo sa mga lugar nga gideklara nga anaa sa GHQ, limitahan pa gihapon ug alang lamang sa molakaw kay mangita’g pagkaon, gamit o serbisyo nga gikinahanglan, ug aron motrabaho ngadto sa mga buhatan o establisemento nga gitugotan na nga magbukas og balik.

Segun pa sa IATF Omnibus Guidelines on the ImplementaTion of Community Quarantines in the Philippines, ang gisaysay sa nga ang essential goods and services nga mahimo’ng lakwon nagpasabut sa health ug social services aron maseguro ang kaluwasan ug kaayohan sa tawo sama sa pagkaon, tubig, tambal, mga gamit ug kahimanan sa pagpanambal, paghipno sa public utilities, segun sa gitumbok sa IATF.

Movement for leisure activities shall not be allowed (Ang paggawas alang sa paglulinghayaw, dili pa gihapon tugotan), segun sa IATF guidelines.

Gani, dinhi sa Bohol, bisan pa sa gipagawas nga Executive Order 28 ni Gobernador Arthur Yap nga magtugot na sa mga edaran na nga makagawas sa pipila ka adlaw, ang tamdanan sa IATF nagbutyag nga kadtong mga ubos sa 21 anyos ug kadtong mga senior citizens nga duna nay diperensya sa immune system, may laing sakit nga gihambin, mga buntis o buros, ug kadtong mga magpuyo  kauban kining mga nahisgutan, kinahanglan nga sa tanan higayon, dili mogawas sa balay, gawas lamang kon gikinahanglan gayud aron makakuhag pagkaon o manarbaho sa bukas nga mga establisemento.

Ug kon gitugotan man  ang mga senior citizens ug mga minors nga makagawas, gawas lamang kon gikinahanglan gayud, dili sila makasulod sa mga malls ug commercial centers subay sa section 6 sa Omnibus Guidelines sa IATF alang sa mga lugar nga anaa sa GCQ.

Segun pa sa IATF, pabilin pa gihapon nga ipatuman ang pagpanghunaw, o paggamit sa alcohol ug hand sanitizer, paggamit sa face mask, pagsubay sa social distancing ug ubang pagpatuman nga nagtumong nga did-an ang pagtakboy sa kagaw ngadto sa laing tawo. (rahc/PIA-7/Bohol)

source https://pia.gov.ph/news/articles/1040712

Leave a Reply

This site uses Akismet to reduce spam. Learn how your comment data is processed.

%d bloggers like this: