KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: PCOO ngadto sa publiko: Magmatukawon

March 14, 2021 Uncategorized

Pahayag ni PCOO Kalihim Martin Andanar kalabot sa pagsulbong sa mga pekeng Facebook accounts nga nakapa-alarma sa mga netizen. (PCOO/PIA)

TAGBILARAN CITY, June 13 (PIA) — Nanawagan si Presidential Communications Operations Office (PCOO) Kalihim Jose Ruperto Martin M. Andanar sa publiko niadtong Lunes nga magmatukawon batok sa pagsulbong sa mga impostor o pekeng Facebook (FB) accounts nga pagpanglapas sa ‘security and privacy’ sa pipila ka indibidwal.

Nanawagan ang kalihim sa publiko nga magmatukawon ug mi-awhag sa pagtaho sa mga pekeng accounts ug dili motuo dayon sa mga dili beripikadong account.

“Atong gihangyo ang publiko sa paghimo sa inyong bahin sa pagmatuki-on ug pagtukaw gayud. Palihug og itaho ang mga peke nga accountsug ayaw pailad sa mga walay kapasikaran nga posts gikan sa wala masuta nga tinubdan. (We ask the public to do their part and be conscientious and vigilant. Please report fake accounts and do not fall prey to unsubstantiated posts from unverified accounts)” matud pa sa pahayag ni Andanar nga gi-post sa PCOO official FB page.

Taliwala sa gihingosgang kampanya sa ahensiya batok fake news ug disinformation, nanawagan usab ang kalihim sa publiko nga mahimong responsable nga social media users.

Matud pa ni Andanar nga ang National Bureau of Investigation (NBI) ug Philippine National Police (PNP)–Cybercrime Division nagpahigayon na karon og imbestigasyon ug lakang sa pagpakgang sa pagdagsang sa mga pekeng accounts, nga gitumbok sa kalihim nga “alarming” ug “disturbing.”

Samtang ang National Privacy Commission (NPC) nakig-koordinar na sa Facebook alang sa pagpahigayon og imbestigasyon ug pagpa-ambit sa mga mahinungdanong impormasyon uban sa ubang ahensiya sa gobyerno.

Gidugang usab ni Andanar nga sama sa pagkatap sa pekeng balita ug pagsanay sa disinformation, ang paghimo og pekeng accounts makamugna og kalibog ug kagubot  ngadto sa publiko ug pagpanglapas kini sa seguridad ug privacy sa mga pangalan nga gigamit.

(“Much like spreading fake news and propagating disinformation, creating fake accounts creates confusion and misunderstanding among the public and violates the security and privacy of those whose names were used,) Sama sa pagpasanay sa peke nga balita ug pagtisok og kaguliyang, ang pagmugna og mga peke nga accounts magpasuhgod sa kalibug, walay pagsinabtanay sa publiko ug makalapas sa seguridad ug pagkatawo sa mga pangalan nga naapil didto. dugang pa sa kalihim nga nipasidaan batok sa paghimo sa maong malisyosong pagbuhat sa pekeng account ug paghimo sa pekeng balita.

Kahinumdoman nga sa mga niaging adlaw, nakapa-alarma sa mga netizen ang pagsulbong sa mga pekeng accounts sa Facebook. (ecb/PIA7-Bohol)

source https://pia.gov.ph/news/articles/1044409

Leave a Reply

This site uses Akismet to reduce spam. Learn how your comment data is processed.

%d bloggers like this: