KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: PCC, PLGU nagtambayayong alang sa community milk feeding sa Bohol

March 14, 2021 Uncategorized

TAGBILARAN CITY, July 24 (PIA) — Mga 5,130 ka undernourished nga mga bata ang gipaabot nga maka-benepisyo gikan sa bag-o lang gilusad nga community milk feeding program sa tibuok lalawigan sa Bohol.

Ang inisyal nga paghatod sa 200-ml toned milk ngadto sa lima ka munisipalidad niadtong Mayo 6, 2020 ang naglusad sa partnership tali sa Department of Agriculture-Philippine Carabao Center ug Ubay Stock Farm (DA-PCC ug USF) ug Bohol Provincial Local Government Unit (PLGU) alang sa maong programa.

Si Dr. Stella Marie Lapiz, ang provincial veterinarian sa Bohol mibutyag nga si Gob. Arthur Yap mi-aprobar sa P6 milyon nga kantidad sa maong programa aron pagtabang sa mga mag-uuma og gatas aron ibaligya ang ilang abot nga gatas bisan sa panahon sa pandemya.  Tinguha usab niini ang ipakusog ang immunity sa mga batang nahisulod sa ‘vulnerable sectors.’

Sa wala pa ang pagbuto sa krisis sa corona virus disease 2019 (COVID-19), ang Office of the Provincial Veterinarian nagmugna sa Agricultural Rural Transformation (ART) program pinaagi sa dairy production project.

Ang ART nagdetalye sa mga nag-unang stratehiya ug kalihokan nga ipahigayon aron pagseguro nga adunay igong suplay sa locally produced nga mga gatas aron makab-ot ang requirement sa Department of Education (DepEd) ubos sa RA 11037 o sa National Feeding Program Act.

Ang gilaraw nga implementasyon sa ‘national milk feeding program’ gihunong una tungod sa pandemya apan ang serbisyo sa production support sama sa artificial insemination (AI) gipadayon.

Ang mga mag-uuma nga misalmot sa proyektong ART gipa-enrol sa database aron pagseguro nga mosunod sila sa direktiba ni Gob. Yap sa pagpa-usbaw sa local milk production.

Initially nakasugod na gayud sa San Miguel. Nag actual nag enrollment sa mga additional na kabaw sa mga farmers. Naabtan man ta sa COVID mao to medyo nihinay para pagtabok sa pikas nga lungsod peru despite adto,  nakasugod naman lagi padayon me sa A.I ug enrollment.  For San Miguel alone naka enroll ta ug 160 ka mga kabaw for dairy,” matud pa ni Dr. Lapiz.

Gidugang usab niini nga ang PLGU nagtinguha sa paggamit sa pondo alang importasyon sa gatas aron pagtabang sa mga local nga mag-uuma imbes nga mopalit sa mga imported nga gatas.   

Samtang ang DA-PCC ug USF nagpasilitar ug monitor sa produksiyon sa kalidad nga gatas, nagseguro nga ang mga produkto sa gatas nisunod sa food safety and standards, ug nag-asister sa paghatod niini sa mga benepisyaryo. 

Ang community feeding program, nga gilaumang mo-culminate sa Agosto 2020 ug modagan ngato sa 60 ka adlaw, gi co-implement sa Bohol Provincial Education Center ug Provincial Nutrition Council.

Ang nisalmot nga mga munisipalidad naglakip sa Pres. Carlos P. Garcia, Talibon, Bien Unido, Getafe, Buenavista, Ubay, San Miguel, Sagbayan, Danao, Pilar, Alicia, Guindulman, Baclayon, Sevilla, Balilihan, Carmen, ug Cortes.

Ang mga gatas maggikan sa Bohol Dairy Cooperative (BODACO). (ecb/PIA7-Bohol/lbl-PCC IO)

source https://pia.gov.ph/news/articles/1048394

Leave a Reply

This site uses Akismet to reduce spam. Learn how your comment data is processed.

%d bloggers like this: