KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Palasyo: Pagbayad sa mga OFWs sa PhilHealth premiums, boluntaryo na

March 14, 2021 Uncategorized

MANILA, May 6 (PIA) — Boluntaryo na ang pagbayad sa mga Overseas Filipino Worker (OFW) sa PhilHealth premiums.

Sa usa  ka press briefing sa Malakanyang, gipahibalo ni Presidential Spokesperson Harry Roque nga nihatag na og direktiba sa PhilHealth si Presidente Rodrigo Duterte nga himuong boluntaryo ang pagbayad sa premiums sa mga OFWs.

Kini human daghang OFWs ang nisupak nga isaka sa tulo ka porsiyento ang ilang kontribusyon sa PhilHealth.

“Sa ngayon po habang meron tayong krisis, ang naging desisyon ng Presidente ‘wag na muna tayo magpataw ng karagdagang pahirap sa ating mga OFWs. Lalong-lalo na sa panahong marami sa kanila ang nare-repatriate at nawalan na rin ng trabaho,” dugang pa ni Roque.

Matud pa ni Roque nga gipasuspinder na ni Department of Health (DOH) Kalihim Francisco Duque III sa PhilHealth ang Item 10 2 (c)  sa implementing rules and regulation (IRR) sa Universal Health Care Law nga magpahamtang na og mas taas nga kontributsyon samtang may problema ang nasod sa Covid-19.

Gidugang usab ni Roque nga gi-anunsiyo na usab sa Philippine Overseas Employment Administration (POEA) ug Overseas Workers Welfare Administration (OWWA) nga dili na i-require ang pagbayad og PhilHealth premiums sa mga OFW aron sila ma-isyuhan sa mga gikinahanglang papeles, sama sa gitawag nga OEC, aron makagawas sa nasod.

Kahinumdoman nga si Roque ang nanguna sa pagduso sa Universal Health Care Law niadtong siya pa ang representante sa Kabayan Partylist.

“Wala po sa batas na nagsasabi na dapat patawan ang mga OFWs ng karagdagang premium sa pamamaraan na nais pong ipatupad ng PhilHealth. ‘Yan po ay nasa implementing rules and regulation para lang po sa kaalaman ng lahat,” pahayag pa ni Roque. (ecb/PIA7-Bohol)

source https://pia.gov.ph/news/articles/1040973

Leave a Reply

This site uses Akismet to reduce spam. Learn how your comment data is processed.

%d bloggers like this: