KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Pagproseso og clearance, gibalik na sa NBI-Bohol

March 14, 2021 Uncategorized

TAGBILARAN CITY, May 18 (PIA) — Gibalik na sa National Bureau of Investigation (NBI) Bohol ang pagproseso og clearance sugod Lunes, Mayo 18.

Ang NBI nipahibalo sa publiko pinaagi sa ilang Facebook page niadtong Domingo, Mayo 17 nga ang ilang buhatan mag-implementar og mga sumbanan nga kinahanglang sundon sa pagkuha og clearance agi og pagsunod sa direktiba nga gipagawas sa Inter-Agency Task Force for the Management of Emerging Infectious Diseases (IATF-EID).

Una na niini ang pagpa-rehistro ug pagbayad online sa dili pa moadto sa bisan asang buhatan sa NBI. 

“All applicants must register online and pay online before going to any NBI clearance center,” matud pa sa FB post sa NBI.

Gimanduan usab ang mga aplikante sa estriktong pagsunod sa ilang pilion nga appointment dates

Gipahibalo usab sa buhatan nga did-an una nila ang pagkuha og clearance sa mga kliyente nga 21 anyos paubos ug lapas sa 60 anyos ang pangedaron, kadtong adunay  immune deficiency, comorbidities ug ubang peligro sa panglawas ug buntis.

Sa pagkuha og clearance, gidili usab ang pagpasulod og mga kauban o escorts sa mga aplikante.

Apan sa pagbukas og balik sa mga buhatan sa NBI, ipatuman ang hugot nga pag-implementar sa mga lagda sa seguridad sa mga kliyente ug kawani sa buhatan sama sa kanunay nga pagsul-ob og face mask, pag-obserbar sa social/physical distancing matag usa  ka metro ang gilay-on gikan sa laing tawo

Ang buhatan ni-suspendir sa pagproseso sa NBI clearance sa niaging buwan human sa pagpaubos sa enhanced community quarantine (ECQ) sa daghang parte sa nasod tungod sa coronavirus disease 19 (COVID-19) pandemic.

Ang NBI clearance usa  ka certificate nga i-isyu sa NBI sa usa  ka indibidwal nga magpakita nga wala kini criminal record. Magamit kini isip identification card alang sa nagkalain-laing transaksiyon. (ecb/PIA7-Bohol)

source https://pia.gov.ph/news/articles/1042197

Leave a Reply

This site uses Akismet to reduce spam. Learn how your comment data is processed.

%d bloggers like this: