KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: OWWA, may ayudang pang-edukasyon sa mga anak og OFW nga apektado sa COVID-19

March 14, 2021 Uncategorized
Gipahibalo sa OWWA nga may ayudang pang-edukasyon sila alang sa mga kwalipikadong anak sa OWWA member-OFW nga may active membership status nga apektado sa COVID-19. (OWWA/PIA-Bohol)

TAGBILARAN CITY, Sept. 17 (PIA) — Ang Overseas Workers Welfare Administration (OWWA) may ayudang pang-edukasyon alang sa mga kwalipikadong anak sa mga miyembro sa overseas Filipino worker (OFW) nga apektado sa coronavirus disease 2019 (COVID-19).

Kini pinaagi sa Educational Assistance through Scholarship in Emergencies (EASE) Project sa OWWA.

Ang maong proyekto alang sa mga kwalipikadong college-level dependent sa OFW nga aktibong miyembro sa OWWA kansang trabaho naapektohan sa pandemya.

Ang ayudang pang-edukasyon mokabat sa P10,000 matag tuig sulod sa maximum nga upat ka tuig.

Tumong niining proyekto nga mapahupay ang epekto sa pandemya ngadto sa kinabuhi sa mga OFW.

Matud pa nga ang OFW kinahanglang aktibong sakop sa OWWA sa iyang pagpaule sa Pilipinas sukad gideklarar ang COVID-19 outbreak niadtong Pebrero 1, 2020.

Gigahin sa OWWA Board of Trustees, nga gipangulohan ni Department of Labor and Employment (DOLE) Kalihim Silvestre Bello III ang P400 milyon gikan sa OWWA Fund alang sa unang tuig sa implementasyon sa EASE Project.

Alang sa mga intresadong OWWA OFW member, mahimong mo-aplay online sa maong programa pinaagi sa http://ease.owwa.gov.ph.

Mahimo usab mobisita sa https://owwa.gov.ph/index.php/news/central/104-projectease alang sa kumpletong impormasyon kalabot sa requirements ug procedures. (ecb/PIA7-Bohol)

source https://pia.gov.ph/news/articles/1053431

Leave a Reply

This site uses Akismet to reduce spam. Learn how your comment data is processed.

%d bloggers like this: