KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: MGCQ sa Bohol magpadayon sa Julyo 31, human giuswag

March 14, 2021 Uncategorized

TAGBILARAN CITY, Bohol, July 17 (PIA) — Subli nga giuswag na usab ang pagpailawom sa tibuok Bohol sa Modified General Community Quarantine (MGCQ) gikan sa unang gutlo sa Hulyo 16 ngadto na sa katapusang gutling sa Hulyo 31, 2020.

Kini segun sa mandu nga natala sa Executive Order No. 38, nga gilagdaan ni Gobernador Arthur Yap niadtong Hulyo 15, 2020.

Kahinumduman nga niadtong Hunyo 30, 2020, gipagawas sa gobernador ang Executive Order No. 33 nga nagpahimutang sa tibuok Bohol sa MGCQ gikan sa Hulyo 1 ngadto na sa Hulyo 15.

HIUSAHON NA ANG TANAN. Human sa nagkadaghan nga tawo nga nasakpan sa pagsupak sa mga lagda sa community quarantines ug pagpataw lamang sa probisyones sa nagkadaiyang municipal ordinances, gihiusa na sa usa ka sumbanan ang silut o multa, kini subay na sa Provincial ordinance 2020-007, segun pa ni Gob. Arthur Yap, kinsa dinhi, nakigestorya sa presidente sa mga mayor nga si Marietta Sumaylo ug Provincial Administrator Atty. Katherin Pioquinto. (PIA Bohol/Art Yap)

Subay usab sa mga lagda sa Omnibus Guidelines on the Implementation of Community Quarantine in the Philippines ug subay sa amendments niadtong Hunyo 25 nga gipagawas sa Inter Agency task Force on the Management of Emerging Infectious Diseases, gisagop na sa Bohol ang mas luag nga mga palisiya.

Kalabut niini, sa pagpahimutang sa Bohol sa MGCQ, gi-uswag usab ang ka epektibo sa Executive Order No. 33.

Niini, epektibo gihapon ang pagdili sa pagpasulod sa mga pasahero ug manguli sa Bohol sakay sa barko ug eroplano kon walay igo nga mga dokumento.

Padayon gihapon ang pagpatuman sa lukop nga curfew gikan sa als 9:00 sa gabii ngadto na sa alas 5:00 sa buntag, ang pagpatuman sa mandu sa pagpuyo sa balay kon walay importante nga lakaw, ang pagdili sa pag-inum sa ilimnon’g makahubog diha sa mga pangpubliko nga lugar ug paghuboghubog. 

Ipadayoan gihapon usan ang pugos nga pagpasul-ob sa hijaw (facemask) kon mogawas sa balay, ug ang pagpadayon sa usa ka Home Quarantine pass , ug  ang gidumala nga pagpang-bukas sa pili nga mga establisemento subay sa mga lagda sama sa safety ug health protocols.

Sa Executive Order 38, pabilin pa gihapon nga dili buksan ang mga bars, nightclubs, KTV ug karaoke bars, internet shops, sinehan samtang padayon pang gidili ang pagpabuwang ug ang sugal pusta-anay.

Segun sa bag-ong EO 38, ang mga mopauli na nga locally stranded individuals (LSI) ug Overseas Filipino Workers (OFW) lakip na ang mga opisyal sa nasudnon ug rehiyonal nga kagamhanan ug uban pa nga wala masakop sa gimandu  nga travel ban ubos sa Executive Order No 8-A, giaghat nga makigsabutsabot ug magkuha daan sa mga gikinahanglang dokumentos ug Clearance sa BIATF sa dili pa modungggo ug motugpa dinhi sa lalawigan.

Gimandu usab sa EO 38 ngadto sa mga tinugyanan nga makasakop sa mga makalapas sa lagda sa nagpadayon nga kwarantina sa pagtaral niini subay sa Provincial Ordinance No. 2020-007.

Kaniadto, ang nagkadaiya nga mga municipal nga ordinansa nga may gagmay nga multa ug silot ang gipanggamit sa mga tinugyanan aron ilhon ang silot sa mga salaod. (rahc/PIA-7/Bohol)

source https://pia.gov.ph/news/articles/1047747

Leave a Reply

This site uses Akismet to reduce spam. Learn how your comment data is processed.

%d bloggers like this: