KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Mga trabahante nga magka-COVID-19, may tabang sa gobyerno pinaagi sa ECC

March 14, 2021 Uncategorized

TAGBILARAN CITY, July 8 (PIA) — Ang mga trabahante sa gobyerno ug pribadong sektor nga mataptan sa coronavirus disease (COVID) 19, may makuhang tabang sa gobyerno basta work-related ang rason sa pagkakuha sa maong sakit.

Mao kini ang kasiguruhan nga gihatag sa Employees’ Compensation Commission (ECC) ubos sa ilang Employees’ Compensation Program (ECP).

Ang ECC, usa  ka attached agency sa Department of Labor and Employment (DOLE), nagsiguro sa tabang sa tanang frontline workers nga mataptan sa COVID-19 tungod sa ilang trabaho.

Ang frontline workers naglakip sa nga healthcare workers; mga empleyado sa gobyerno, protective service workers sama uniformed personnel sa Armed Forces of the Philippines (AFP) ug sa Philippine National Police (PNP); mga cashiers ug crew sa mga grocery stores o mga tindahan nga nagbaligya og mga essential goods ug mga produkto; production ug food processing workersjanitors ug maintenance workerstruck drivers nga nalambigit sa pagdala og mga essentials goods

Matud pa ni Ingrid Z. Yumang sa ECC-Regional Extension Unit-7 nga ubos sa ECP, adunay ‘package of benefits’ alang sa mga empleyado sa gobyerno ug pribadong sektor ug sa ilang pamilya sa panahon nga konektado sa trabaho ang pagkakuha sa maong sakit nga moresulta sa disability o pagkamatay.

Ang ECP benefits nga ihatag sa mga trabahante nga nataptan sa COVID-19 tungod sa ilang employment o working environment naglakip sa loss of income benefits; medical benefits ug cash assistance.

Kun ingkaso ihatud sa kamatayon tungod sa COVID-19, P30,000 ang funeral benefit nga madawat gawas pa sa death benefits nga ihatag sa pamilya sa apektadong empleyado.

Alang sa medical reimbursement, dili sila makahatag og pagbanabana kun pila ang madawat tungod kay ang Social Security System (SSS) man sa pribadong sektor ug ang Government Service Insurance System (GSIS) alang sa mga empleyado sa gobyerno ang mo-proseso isip administering agencies sa ECC.

Alang sa approved sickness o injuries, ang apektadong trabahante makadawat og P10,000 cash assistance ug P15,000 alang sa namatay. Ang aplikasyon sa EC benefits i-proseso sa SSS alang sa pribadong sektor, samtang sa GSIS usab ang sa mga trabahante sa gobyerno apil na ang uniformed personnel.  

Alang sa dugang mga pangutana kalabot sa EC Benefits, mahimong mopadala og pribadong mensahe sa ECC Cebu Facebook account. Ang ECC REU-7 matawagan usab pinaagi sa numero (032) 266-7230 o bisitaha lamang ang ilang website sa ecc.gov.ph.  (ecb/PIA7-Bohol)

source https://pia.gov.ph/news/articles/1046834

Leave a Reply

This site uses Akismet to reduce spam. Learn how your comment data is processed.