KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Mga estudyante sa pampublikong tunghaan, may food coupons gikan sa Tagbilaran

March 14, 2021 Uncategorized
Duha ka tag-P100 food coupons ang ihatag sa kagamhanang syudad sa Tagbilaran sa matag tinun-an sa day care centers ngadto sa elementarya sa mga pampublikong tunghanan sa syudad diin magamit kini kung asa ang naka-butang nga branch sa mga kan-anan sa Jollibee o McDonald’s. (Tagbilaran City Government photo)

TAGBILARAN CITY, May 6 (PIA) — Makadawat og food coupon nga balor og P200 gikan sa kagamhanang syudad sa Tagbilaran ang mga estudyante sa day care centers ngadto sa elementarya sa mga pampublikong tunghanan dinhi sa syudad.

Ang maong food coupons ipanghatag sa mga tinun-an gikan kinder ngadto na sa Grade 6 gikan sa mga pampublikong tunghaan  ug tanang day care centers ning syudad.

Sugod Mayo 4, ang mga ginikanan o guardians sa mga estudyante nga awtorisado mahimo nang mokuha sa food coupons sa barangay diin nahimutang ang public elementary school o day care center.

Kinahanglan lamang e-presentar sa ginikanan o guardian ang school ID o di kaha ang birth certificate sa tinun-an.

Duha ka tag-P100 food coupons ang ihatag sa matag tinun-an diin magamit kini kung asa ang naka-butang nga branch sa mga kan-anan sa Jollibee o McDonald’s. Ang P100 food coupon wala nay sukli kung dili moabot sa P100 ang gamiton, apan mahimong bayaran ang sobra kung molapas sa P100 ang order.  Mahimo usab kining dunganon og gamit para ma- P200.

Alang sa Tagbilaran City Central Elementary School, ang food coupons makuha sa barangay hall sa Poblacion 3.

Si Tagbilaran City Mayor John Geesnell ‘Baba’ Yap II nipahayag nga ang pagppanghatag og relief assistance sa syudad sa Tagbilaran ‘inclusive,’ diin giapil usab ang mga kabatan-onan nga apektado niining pandemic nga coronavirus virus disease (COVID-19) nga naka-apekto sa tanang sektor sa katilingban, gikan sa mga negosyante paubos ngadto sa ordinaryong mga tawo, mao nga angayan lamang nga mohatag og hinabang nga makabenepisyo sa matag sektor.

“Now, the city is hoping that these food coupons will provide the needed comfort to our younger set,” matud pa ni Yap.

Ang food coupon balido taman lamang karong Mayo 15, 2020.

Nihatag na og relief packs isip ‘first wave’ nga hinabang ang kagamhanang syudad sa Tagbilaran sa mga lumolupyo niini.

Alang sa ‘second wave’ nga hinabang, tagsa ka sakong bugas matag panimalay sa syudad ang gipanghatag.

Samtang gihatagan usab og mga food packs ang mga miyembro sa asosasyon sa urban poor sa syudad.

Gawas pa niini, nanghatag usab og mga vitamins kauban sa libreng check-up ug pagpang-bakuna sa mga nanginahanglan sa syudad nga gipahigayon ‘balay-to-balay’ sa mga kawani sa City Health Office. (ecb/PIA7-Bohol)

source https://pia.gov.ph/news/articles/1040892

Leave a Reply

This site uses Akismet to reduce spam. Learn how your comment data is processed.

%d bloggers like this: