KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Mga estudyante sa MSU nga mipauli sa Agusan del Norte negatibo sa COVID-19  

March 14, 2021 Uncategorized

DAKBAYAN SA BUTUAN, Mayo 22 — Negatibo sa coronavirus disease 2019 (COVID-19) sa rapid test nga gihimo sa 39 ka mga estudyante sa Mindanao State University-Marawi og MSU-Iligan Institute of Technology nga nanguli sa probinsiya sa Agusan del Norte niadtong Sabado, Mayo 16.

Kini ang gikompirma ni Dr. Odelio Ferrer, hospital chief sa Provincial Health Office, nga maoy nagdumala sa rapid testing pag-abot gyod sa mga estudyante.

Ang pagpailawom sa mga estudyante sa rapid test kabahin sa mga protocols nga nasabutan sa dili pa sila i-intrigo sa ilang mga local government units alang sa pagpauli sa ilang tagsa-tagsa ka lungsod.

Ang 39 ka estudyante sa Agusan del Norte kabahin sa 377 ka estudyante sa Caraga nga na-stranded sa ilang eskwelahan sulod sa kapin na sa duha ka bulan tungod sa gipatuman nga enhanced community quarantine (ECQ) sa Region BA-ARMM, sa lockdown sa mga borders nga ilang maagian, apil na ang border sa Caraga ug Region 10 nga nahimutang sa Carmen, Agusan del Norte.

Nasayran gikan kang Gerry Joey S. Laurito, provincial administrator sa Agusan del Norte, nga 66 gyod ka estudyante sa probinsya ang gilantaw nga sakay sa maong biyahe. Apan 39 lamang ang kumpirmadong nakauli. Nagpabilin ra matud pa ang uban sa MSU-Marawi.

Nakauli ang mga estudyante tungod sa Balik Estudyante sa Caraga, inisyatiba sa pipila ka ahensya ug mga LGU sa rehiyon, apil na ang probinsya sa Agusan del Norte ubos ni Gob. Dale B. Corvera nga maoy chairperson sa Regional Development Council ug sa Regional Task Force on COVID-19 One Caraga Shield.

Mosuma sa 22 ka mga bus sa Bachelor Express ang mikuha sa mga estudyante sa taas nga biyahe gikan sa Marawi City ug Iligan City.

Sa iyang Facebook post niadtong Mayo 17, gipasalamatan ni Gob. Corvera ang mga ahensya ug opisyales nga mitabang aron mapahigayon ang inisyatiba sa pagpauli sa mga estudyante. (Angel F. Gaviola/Angelito U. Cagulada, Agusan up, LGU Agusan del Norte/PIA Agusan del Norte)

source https://pia.gov.ph/news/articles/1042493

Leave a Reply

This site uses Akismet to reduce spam. Learn how your comment data is processed.

%d bloggers like this: