KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Mga de lata nga naay sagol karne’ng baboy gikan China gipasunog ug gipalubong sa Malaybalay City Veterinary

March 14, 2021 Uncategorized

MALAYBALAY CITY, Mayo 8—Gisunog ug gilubong didto sa Sta Ana, barangay Casisang, Malaybalay City ang 120 ka mga nakumpiska’ng de lata nga naay sagol nga karneng baboy gikan sa China, kaniadtong Mayo 4, 2020.

Si Dr. Mary Ann Valdez, ang City Veterinarian, miingon nga ang mao’ng mga de lata, nakumpiska sa mga kawani sa Malaybalay City Veterinary Office didto sa African Swine Fever (ASF) Checkpoint nga nahimutang sa Barangay Dalwangan, Malaybalay City, kaniadtong Abril 28.

Ang mga nakumpiska nga mga de lata gikan kini sa Cagayan de Oro nga gikarga sa ‘closed Forward van’ nga sakyanan padulong sa General Santos City.

Diha sa Checkpoint, ilang nasuta nga ang mga de lata nga karga walay hustong papeles ug nasayran nga kini dunay nakasagol nga produkto sa karne’ng baboy.

Nakumpiska niini ang 120 ka mga de lata nga dunay nakabutang nga ‘pork mince with bean paste’ nga produkto gikan sa China.

Kahinumduman nga gipagawas ni Bukidnon governor Jose Maria Zubiri ang Executive Order No. 26 penetsahan 14 Octobre 2019, pinaagi sa Provincial Veterinary Office nga pahugtan ang mga kwarentinas aron malikayan ang pagsulod sa African Swine Fever kon ASF sa probinsya sa Bukidnon.

Si Dr. Valdez miingon nga “dinhi sa Bukidnon, dunay siyam ka mga kwarentinas nga naa sa ‘entry points’ sa atong probinsya nga naglangkob sa mga munisipyo sa Manolo Fortich, Baungon, Libona, Talakag, Malitbog, San Fernando, Kitaotao, Kalilangan, ug sa Damulog.”

“Busa, among gihangyo ang katawhan—labi na kadtong nagbiyahe—nga mokooperar sa mga pamaagi sa inspeksyon diha sa mga kwarentinas ug i-report gyud dayon sa Provincial o City Veterinary Office or Municipal Agriculture Office kon dunay mabantayan nga pagsakit o pagkamatay sa Baboy sa inyong mga dapit ug kontak gyud dayon sa 09171469223,” pahimangno ni Dra. Mary Ann Valdez, ang Veterinarian sa syudad sa Malaybalay. (Bernadith G. Epan/PIA-Bukidnon)

source https://pia.gov.ph/news/articles/1041257

Leave a Reply

This site uses Akismet to reduce spam. Learn how your comment data is processed.

%d bloggers like this: