KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano news: Lokal nga kagamhanan sa Lanao del Norte mipasabot ngadto sa mga barangay kabahin sa GQC

March 14, 2021 Uncategorized

LANAO DEL NORTE, May 15 (PIA)—Aron mas lig-on ang mga paningkamot ug sigurado nga ma-proteksyonan ang seguridad sa panglawas sa tibuok probinsya sa Lanao del Norte, gipatawag ni Gov. Imelda “Angging” Dimaporo ang tanan nga mga Punong Barangay aron pormal nga mapahibalo ang mga basehan sa iyang gipagawas nga EO No. 08 para sa implementasyon sa General Community Quarantine (GCQ).

Si Gov. Dimaporo miingon nga hugot ang iyang pagto-o nga ang mga Barangay Kapitan dunay igong katakos nga makigbatok sa COVID-19.

Gidasig ni gobernador ang mga Barangay Kapitan nga maghimo ug mga kalihukan diha sa tagsa-tagsa nila ka komunidad aron dili padayon ang pagtaas sa gidaghanon sa mga tawo nga naay COVID-19.

Si Lyndon G. Calica, ang IMT Commander ug Provincial Information Officer, miingon usab nga ang mga Barangay Kapitan kinahanglan makigsabot sa mga Rural Health Unit aron estriktohon ang pagmonitor sa katawhan ug mahibaw-an kinsa ang dili mga residente.

Ni-uyon pud si DILG Provincial Director Bruce A. Colao sa gisulti ni Gov. Dimaporo ug midugang nga ang mga Barangay Kapitan mao ang una sa linya nga  modepensa sa pagkahibalo sa mga aspeto sa COVID-19 ug mga lumilihok sa Health Center sa atong padayon nga pakigbatok batok COVID-19.

Bahin pud sa mga taga Lanao del Norte nga tua sa laing mga probinsya ug gusto mo-uli, mudu-ol lang sila sa ilang mga Barangay Kapitan aron mapahibalo ang mga LGU ug aron pud ma-obserbahan ang sakto nga mga proseso.

Gipanghingusgan pud ni DILG Prov’l Director Calao nga ang Executive Order ug Ordinansa nga gipagawas sa Provincial Chief executive, pinaagi sa konseho, mao gayud ang tumanon.

Samtang, si Provincial legal officer Atty. Christopher Babor nagpasabot nga importante kaayo ang pag-imposar sa EO No. 08 ug Ordinance No. 03-2020 bahin sa mando nga kinahanglan ang tanan magsul-ob ug facemask ug kanunay himo-on ang physical distancing.

Iya usab gipasabot ang proseso sa ‘Balik Lanorte Program’ sa probinsya alang niadtong mga residente ug mga estudyante nga na-‘stranded’ sa laing mga lugar nga gusto na’ng mobalik sa ilang pinuy-anan.

Dugang ni Vice Gov. Maria Cristina Atay, nga ang mga munisipyo ug barangay nga wala makapanday ug bala-od pinasubay sa EO No. 03-2020, pwedeng mo-‘adopt’ niini nga Ordinansa ug pwede pud sila maghimo sa ilahang kaugalingon pinasubay sa nasangpit nga balaodnon.

Nagpasalamat si Gov. Dimaporo sa mga Kapitan ug munisipyo sa Matungao, Linamon, Kauswagan, Bacolod, Maigo, Kolambugan, Tubod, Baroy, Lala, ug Kapatagan panahon sa ilang panagtapok ug nagpahimangno nga ang makab-ot nga kadaugan batok sa COVID-19 mao lang gyod ang pagsunod sa mga gihatag nga giya sa national nga gobyerno isip pagsuporta sa mga programa ni Presidente Rodrigo Roa Duterte aron proteksyonan ang tibuok katawhang Pilipino. (Zenaida D. Jagudilla/PIA-ICIC)

source https://pia.gov.ph/news/articles/1041911

Leave a Reply

This site uses Akismet to reduce spam. Learn how your comment data is processed.

%d bloggers like this: