KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Libreng pocket wifi, P500 load alang sa mga estudyante, magtutudlo sa TCC

March 14, 2021 Uncategorized
Ang kagamhanang lokal sa syudad sa Tagbilaran mohatag sa tanang estudyante ug magtutudlo sa TCC og libre nga pagpagamit sa Pocket Wifi nga may libre usab nga P500 load matag buwan isip pagdasig sa mga estudyante nga ipadayon ang ilang pag-eskwela taliwala sa hulga sa COVID-19.  (Hulagway gikan sa Tagbilaran City Government FB)

TAGBILARAN CITY, June 9 (PIA) — Isip pagpangandam sa “new normal” sa umaabot nga pagbukas sa klase alang sa school year 2020-2021, ang Tagbilaran City College (TCC) magpatuman sa Distance Blended Learning nga pamaagi sa pagtudlo.

Isip pagsiguro sa hapsay nga pag-implementar niining bag-ong pamaagi sa pagtudlo sa mga estudyante, ang kagamhanang lokal sa syudad sa Tagbilaran mohatag sa tanang estudyante ug magtutudlo sa TCC og libre nga pagpagamit sa Pocket Wifi nga may libre usab nga P500 load matag buwan hangtod mahuman ang usa ka semester.

Kini ang gipahibalo ni Tagbilaran City Mayor John Geesnell Yap II pinaagi sa iyang Facebook page.  

Matud pa ni Yap nga kini gihimo sa kagamhanang syudad sa Tagbilaran isip pagdasig sa mga estudyante sa TCC nga ipadayon ang ilang pag-eskwela taliwala sa hulga sa coronavirus disease 2019 (COVID-19).

Kahinumdoman nga gi-anunsiyo sa Department of Education (DepEd) nga isip pagsunod sa mando ni Presidente Rodrigo Duterte nga suspindehon una ang face-to-face classes samtang wala pay bakuna batok sa COVID-19.

Imbes nga face-to-face classes, blended learning na lamang ang himuong pamaagi sa pagtudlo sa mga estudyante. (ecb/PIA7-Bohol)

source https://pia.gov.ph/news/articles/1044278

Leave a Reply

This site uses Akismet to reduce spam. Learn how your comment data is processed.

%d bloggers like this: