KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Libreng modular  online Japanese class, gibuksan sa BISU

March 14, 2021 Uncategorized

TAGBILARAN CITY, May 8 (PIA) — Gibuksan na usab sa Bohol Island State University (BISU) sa pakigtambayayong sa Aoike Academy sa Japan ang pagpangdawat og aplikasyon alang sa gustong mo-enroll sa libreng Japanese language program.

Ang “Nihongo For Me,” usa ka Japanese Language Program mangdawat na karon og aplikante alang sa libreng Japanese language classes sa BISU pinaagi sa modular ug online nga mga klase, matud pa ni Clyde Malon Bodiongan, Aoike International Academy Representative.

Apan tungod sa social distancing ug community quarantine nga gi-implementar karon, si Bodiongan miingon nga ang mga aplikante mahimong motawag pinaagi sa globe number 09274641893 ug smart number 09087448930 alang sa dugang kasayoran.

Niadtong Abril sa niaging tuig, ang BISU sa pakigtambayayong sa Aoike Academy of Japan nilusad sa “Nihongo For Me”: Japanese Language Program didto sa BISU Main Campus, ning syudad sa Tagbilaran.

Dungan usab sa maong paglusad ang pagbukas sa bag-ong Aoike classroom nga nahimutang sa second floor sa College of Business, Arts and Sciences (CBAS) building, diin ginapahigayon ang Japanese language classes.

Ang maong programa bukas kaniadto sa mga aplikante nga may edad 18 hangtod 25 anyos lamang sa una ug ikaduhang batch niini ug may limitadong slot nga taman lamang sa 20 ka estudyante.

Apan alang sa karong ikatulong batch, ang mga interesadong aplikante nga may edad 18 taman 34 anyos dawaton na ug unlimited na usab ang slots aron daghang aplikante nga gustong makat-on sa pinolongan’g hapon ang mahatagan og kahigayonan. (ecb/PIA7-Bohol)

source https://pia.gov.ph/news/articles/1041242

Leave a Reply

This site uses Akismet to reduce spam. Learn how your comment data is processed.

%d bloggers like this: