KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: LGU-Inabanga, nihimakak sa nikatap nga pekeng balita

March 14, 2021 Uncategorized

TAGBILARAN CITY, June 13 (PIA) — Gihimakak sa lokal nga kagamhanan sa Inabanga niadtong Martes, Hunyo 9, ang nikatap nga balita sa syudad sa Tagbilaran nga nag-ingon nga gi-lockdown ang mga barangay sa Nabuad ug Dagnawan sa maong lungsod kay matud pa adunay mga nagpositibo sa coronavirus disease 2019 (COVID-19).

Pinaagi sa Facebook page sa lungsod nga Municipality of Inabanga ug Lgu Inabanga Uno, gihimakak sa LGU ang maong pekeng balita ug matud pa dili kini tinuod ug usa  lamang ka binuhatan sa mga iresponsableng tawo.

Matud pa nga ang lungsod sa Inabanga sukad pagsugod sa pandemya hangtud karon, nagpabiling luwas gihapon sa COVID-19.

Giingon’g sa kanunay, estrikto ang maong lungsod nga nagsunod sa mga lagda nga gilatid sa Department of Health (DOH) ug Inter Agency Task Force for the Management of Emerging Infectious Diseases (IATF-MEID) uban usab sa pakigtambayayong sa mga ahensiya sa gobyerno.

Kini aron matud pa nga magpabilin nga COVID-19-free ang 52,942 ka Inabangnon sa tibuok 50 ka mga barangay sa maong lungsod.

Tungod niini, gi-awhag hinuon sa LGU nga mosunod ug motuo lamang ang publiko sa mga impormasyon nga gipagawas sa otorisadong tinubdan sama sa DOH ug mismo sa  opisyal nga mga social media accounts sa team Inabanga, ang Municipality of Inabanga ug LGU Inabanga Uno.

Gi-awhag usab sa LGU ang katawhan nga magpakabana, makisusi ug magpangutana una sa dili pa mo-post, mohatag og komento ug mo-share diha sa ilang tagsa-tagsa ka mga social media account. (ecb/PIA7-Bohol)

source https://pia.gov.ph/news/articles/1044421

Leave a Reply

This site uses Akismet to reduce spam. Learn how your comment data is processed.

%d bloggers like this: