KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Kapitolyo sa Sugbo sirado sa 3 ka adlaw alang sa disinfection

March 14, 2021 Uncategorized

CEBU CITY, July 2 (PIA) — Sugod Hulyo 1 ngadto sa Hulyo 3, ang Kapitolyo sa Sugbo sirad-an sa publiko, aron mapahigayon ang hingpit nga pag-disinfect sa lugar sumala sa balita nga nakutlo gikan sa Sugbo News.

Tungod niini, walay mahimo nga trabaho alang sa person to person nga transaksiyon sa sulod sa tulo ka adlaw alang sa mga nasangonan nga ,mga mahibilin nga essential skeletal force sa Kapitolyo.

Ang mga kawani sa Integrated Provincial Health Office (IPHO), Provincial Disaster Risk Reduction and Management Office (PDRRMO) ug  Civil Security Unit (CSU) ang magpadayon sa ilang trabaho kay sila ipakatap sa lugar samtang gipahigayon ang pag-disinfect sa Kapitolyo sa Sugbo.

May 15 na mga kawani sa Kapitolyo sa Sugbo ang positibo sa Covid-19. Ug sa 15 nga positibo sa Covid-19, 12 ka buok ang lumolopyo sa Sugbo, duha sa Mandaue City ug usa sa Talisay City.

Sa unang gipahamtang sa Sugbo nga Enhanced Community Quarantine (ECQ) sa siyudad, ang Kapitolyo luwas pa sa impeksiyon sa Covid-19.

Niini, ang mga kawani sa Kapitolyo nga namuyo sa siyudad sa Sugbo, wala gipa-report sa ilang mga trabaho..

Sa niadto nang gipahamtang ang Siyudad sa Sugbo sa kinaunahan nga general community quarantine (GCQ)  ang mga lumolopyo sa siyudad sa Sugbo gitugutan sa pagbalik sa ilang mga katungdanan sa Kapitolyo ug mao ning panahona nga naghinay-hinay ug sa pagsaka ang kaso sa Covid-19.

Sukad niadtong panahona gihimong regular ang pag-disinfect sa mga opisina sa Kapitolyo.

Sa kasamtangan, ang hepe sa IPHO nga si Dr. Christina Giango mi-rekomendar nga ibutang ang mga kawani sa Kapitolyo sa temporaryo nga setup nga work from home aron mapahigayon ang hingpit nga disinfection sa building ug aron makaginhawa ug makapahulay ang kalikupan sa tibuok compound sa Kapitolyo sa Sugbo. (jsme/PIA7/Cebu)

source https://pia.gov.ph/news/articles/1046314

Leave a Reply

This site uses Akismet to reduce spam. Learn how your comment data is processed.

%d bloggers like this: