KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Ika-6 nga Virtual Town Hall Meeting, gipahigayon sa PCOO

March 14, 2021 Uncategorized

TAGBILARAN CITY, June 9 (PIA) — Gipahigayon sa Presidential Communications Operations Office (PCOO) ang ika-6 nga Virtual Town Hall meeting kalabot sa coronavirus disease 2019 (COVID-19) nga nagdala sa tema nga “Leading Forward” niadtong Hunyo 5.

Gisalmotan kini sa mga representante sa youth sector, communication officers, frontliners ug local government units ug mga bisita gikan sa Department of Health (DOH), Department of Public Works and Highways (DPWH) ug Department of Social Welfare and Development (DSWD).

Si PCOO Kalihim Jose Ruperto Martin M. Andanar, sa iyang pagbukas nga mensahe nipasabot sa tema nga “Leading Forward” nga nagpasabot og paradigm o paradigma, usa  ka modelo sa kalihokan sa panglawas og panginabuhian.

Matud pa sa Kalihim nga ang “Leading Forward” nagpasabot og sumbanan sa serbisyo nga nagsalamin sa trabaho sa dedikasyon sa usa  ka nagserbisyo sa publiko.

“Leading Forward is the standard of services mirrored in the works of dedicated public servants,” matud pa ni Andanar.

Gitumbok usab niini ang panginahanglan sa pagsugod og dawat sa mga kabag-ohan nga kinahanglang e-obserbar ug buhaton.

Sa iyang hinapos nga mensahe, gitumbok sa kalihim ang kamahinungdanon sa papel sa mga kabataan og mga lider sa komunidad isip tighulma sa mga damgo sa nasod.

“You are the molders of the nation’s dreams. You are mirrors that reflect honor, dignity and a comfortable life for every Filipino, which the President has constantly spoken of, and strived to achieve. May this townhall meeting prepare us, as we take a leap into a new world, where the map of our lives is written through genuine leadership and service,” (Kamo ang mga tighulma sa mga damgo sa nasud. Kamo ang mga salamin nga magpalama sa dungog, dignidad ug komportable nga kinabuhi sa matag Pilipino, nga kanunay gayud nga gipaambit ug gipaningkamotan sa Presidente nga makab-ot. Unta kining town Hall Meeting mag-andam kanato, samtang atong layaton ngadto sa bag-ong kalibutan, diin ang mapa sa atong kinabuhi gipatik pinaagi sa matuod nga pagpanguna ug pangalagad) matud pa ni Andanar.

Samtang si PCOO Assistant Secretary Ramon L. Cualoping III, chair sa STG Content and Distribution of the Interagency Task Force (IATF) nipasabot nga ang serye sa mga townhall meetings gipahigayon alang sa padayong paglambigit sa mga lungsoranon, kabataan, frontliners ug communication officers, ilabi na karong panahon sa pandemya.

Ang mga gidapit nga bisita naglakip nilang DOH Director Beverly Ho nga nituki kalabot sa “recovery by way of containing the disease” ug back to workplace guidelines; DSWD Dir. Justine Batocabe nga nihatag og updates kalabot sa relief services sa buhatan; ug Anna Mae Lamentillo sa DPWH nga nituki kalabot sa construction site workplace guidelines ug infrastructure developments sa nasod. (ecb/PIA7-Bohol)

source https://pia.gov.ph/news/articles/1044168

Leave a Reply

This site uses Akismet to reduce spam. Learn how your comment data is processed.

%d bloggers like this: