KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Home quarantine pass, kinahanglan gihapon sa Bohol

March 14, 2021 Uncategorized

TAGBILARAN CITY, June 3 (PIA) — Ang lalawigan sa Bohol magpadayon sa paggamit sa home quarantine pass (HQP) isip pagbatok sa pagkuyanap sa coronavirus disease 19 (COVID-19) bisan gipaubos na sa general community quarantine (GCQ) ang lalawigan sugod niadtong Lunes, Hunyo 1.

Matud pa ni Dr. Cesar Tomas Lopez, tigpamaba sa Bohol Provincial Capitol kalabot sa COVID-19-related issues, si Gob. Arthur Yap nakadesisyon nga ipadayon sa publiko ang pagdala sa HQP kun mogawas sa balay.

Ang maong desisyon gipagawas human namahayag ang Department of the Interior and Local Government (DILG) niadtong Domingo nga dili na kinahanglan ang quarantine pass sa mga lugar nga ubos sa GCQ gawas lamang kun ang local government units mo-require niini sa mga “critical and buffer zones” o base sa mga lokal nga kondisyon.

Si Yap nipagawas niadtong Lunes, Hunyo 1 sa Executive Order No. 28-A, nga nag-uswag sa GCQ sa lalawigan sa Bohol taman lamang Hunyo 15, o “unless further extended.”

Kini human nadawat sa gobernador ang bag-ong direktiba gikan sa Inter-Agency Task Force (IATF) for the Management of Emerging Infectious Diseases niadtong Sabado, Mayo 30 nga nagpabutang sa tibuok Central Visayas ubos sa GCQ.

Matud pa ni Yap, ang tanang protocols ug quarantine measures nga kasamtangang gipatuman sukad gipaubos ang Bohol ubos sa GCQ niadtong Mayo 1 magpadayon taman sa Hunyo 15, gawas lamang sa mga adlaw sa paggawas sa mga minor de edad nga gi-usab sa Probinsiyal nga Kagamhanan.

Ang mga minor de edad nga 18 anyos paubos, kun kuyog sa ilang mga ginikanan o guardians tugotang makagawas gikan alas 6 sa buntag taman alas 6 sa gabii matag adlaw’nga Biyernes ug Sabado,gikan sa kaniadtong schedule nga matag-Biyernes ug Lunes.

Samtang ang mga senior citizens nga nag-edad og 65 anyos pataas, magpabiling makagawas matag adlaw nga Martes, Miyerkoles ug Biyernes gikan alas 6 sa buntag taman alas 6 sa gabii. (ecb/PIA7-Bohol)

source https://pia.gov.ph/news/articles/1043632

Leave a Reply

This site uses Akismet to reduce spam. Learn how your comment data is processed.

%d bloggers like this: