KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: ‘Hogstel’, nangunang programa sa Post COVID-19 recovery sa Provl Vet

March 14, 2021 Uncategorized

MAASIN CITY, June 30 (PIA) – –  ” Hotel ” alang sa mga baboy kon gitawag nga ” Hogstel ” sa hamubo nga pinulongan, usa ka matang sa pagpagpamuhi og mga baboy,  ang nangunang programa sa Southern Leyte Provincial Veterinary Services Office (PVSO) ubos sa Post COVID-19 Recovery nga programa.

Sumala kang Provincial Veterinarian Dr. Francisco Cabarrubias, Jr., ang LGU Southern Leyte nagtumbok sa mga katawhan nga nawad-an og trabaho tungod sa COVID-19 ang mga benepisyaryo sa maong programa.

Ang PVSO nagduso sa maong programa sa matang sa pagpamuhi og mga baboy alang sa pagsuplay sa lokal nga panginahanglan, sumala ni Provincial Veterinarian Dr. Francisco Cabarrubias, Jr dili pa lang dugay.

Sumala ni Dr. Cabarrubias ang matag benepisyaryo makadawat og libre nga baktin, pagka-on sa baboy og pagpuyo sa maong hogstel. Inig baligya sa baboy, ipabilin ang puhunan og ang ganansiya lamang ang pwede nga madala sa maong benepisyaryo diha sa ilang panimalay.

“ Dili lamang sila mamuhi og mga baboy kondili tudlo-an usab sila mga mahimong mga negosyante og mga baboy, “ dugang pasabot niya nga ang tumong sa lokal nga pangagamhanan nga makahimo usab silang nga negosyante.

Atol sa Media Briefing dili pa lang dugay, gipasabot ni Dr. Cabarrubias nga ang HOGSTEL, mao ang pagtukod og napulo ka kuwarto (pens) nga pinuy-anan sa napulo ka mga baboy ubos sa usa ka atop, matud niya.

Kini diin kini paga-atimanon og napulo ka mga benepisyaryo sa matag lungsod diin ang matag baboy adunay usa ka tag-iya, dugang niyang pahayag.

“Kinahanglan nga panghingusgan ang pagpamuhi og mga baboy tungod kay wala nay lain nga tinubdan nga saligan sa mga baboy sa probinsiya, “ matud ni Cabarrubias.

Sukad pa sa miagi nga tuig, wala nay taga-Mindanao og Luzon nga mga suppliers og mga baboy og mga produkto sa mga karneng baboy ang gitugotan nga mosulod sa probinsya aron sa paglikay sa African Swine Fever nga makatakod sa mga lokal nga mga baboy, dugang pahayag niya.

Sa kasamtangan, mokabat og 30,000 ka mga baktin og dagko nga mga baboy ang naihap sa tibook probinsiya. Matag bulan adunay 4,000 ka mga baboy ang gi-ihaw aron i-suplay diha sa merkadohan, dugang tahu ni Cabarrubias. (egorne/PIA8 SoLeyte)

source https://pia.gov.ph/news/articles/1046251

Leave a Reply

This site uses Akismet to reduce spam. Learn how your comment data is processed.

%d bloggers like this: