KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: ‘Gun thermal scanner’ sa buna, di makadaut – DOH

March 14, 2021 Uncategorized

CORTES, Bohol, Oct. 4 (PIA) — Dili makadaot ug walay dautan nga epekto ang gun-thermal scanners sa tawo, kini segun pa sa Department of Health (DOH).

Kini taliwala sa gipakatag na usab nga sayop nga pangagpas nga ang paggamit sa thermal scanner nga idul-it sa buna sa tawo, makadaut.

Segun pa sa gipakatag nga estorya ug sayop nga pangagpas nga buot usab nga ipakatag sa social media, nga matud pa kuno sa usa ka doktor nga wala usab hinganli, ang paggamit sa thermal gun sa buna, makadaut sa pituitary gland sa tawo.

Wala usab hisguti didto kon unsa nga paagi nga ang pituitary gland, madaut ug ngano kini.

NON-CONTACT NGA PAMATAY KAGAW, PAGKUHA SA TEMPERATURA mao pa ang labing lapad nga bansay sa pagsiguro nga ang makasulod sa mga establisemento nga tapokanan sa mga may sakit na nga daan o walay nabitbit nga kagaw nga mananakod. (rahc/PIA-7/Bohol)

Gikan sa kasayuran nga gikan kuno sa doctor, misunod dayun ang kahingawa sa nagpapasa sa sayup na daan nga kasayuran, nga ang thermal scanner, makadaut usab kuno sa pineal glands.

Ang pineal glands, sama sa pituitary glands, dagway og linsok sa mais nga nagtago sa tungatunga ug sa luyo nga bahin sa utok sa tawo, ug maoy mga glands nga nagakontrolar sa pagpadagan sa mga hormonal glands.  

Apan, padayag sa DOH, walay dautan nga epekto ang thermal scanner sa utok sa tawo, ug kini usa ka luwas nga pamaagi sa pagkuha sa temperature sa usa  ka tawo.

Kona ng utok nga usa ka labing sensitibo nga parte sa lawas sa tawo, dili maapektohan sa scanner, unsa pa kaha ang kadtong tua nagtago sa ilawom ug tungatunga sa utok?

Usa sa mga gikahadlokan sa mga nakabasa sa sayup nga kamatuoran, kanang puwa nga suga nga igawas sa thermal scanner sa panahon nga itutok kini sa buna.

Matud sa mga eksperto, ang puwa sa thermal scanner, usa  ka infra red nga suga, ug kini dili makadaut, bisan pa kon madaklitan og kaigo ang mata.

Ang sistema sa infra-red scanner, mao ang pagdawat sa nag-gawas nga kainit sa lawas sa tawo (thermal radiation) ug dili ang suga sa infrared scanner maoy mosukod sa kainit. Tungod niini, ang paggamit sa infrared thermometers dili makadaut sa mata ug bisan na gani sa lawas.

Ang lawas sa tawo nagpa-alisngaw sa init, sa dagway sa usa  ka energy nga Makita niining matang sa thermal scanner, segun sa mga eksperto.

Dason pa sa DOH, ang thermal scanner maoy labing sayon nga paagi sa  pag-ila kon ang usa ka tawo adunay hilanat, nga usa sa mga timailhan nga may impeksyon sa lawas nga mahimong dala sa coronavirus disease.

Niini, rekomendasyon sa DOH, ipadayon ang paggamit sa thertawo, wala makasagol nga may sakit na nga ndaan mal gun scanner sa buna, diin may labing dyutay nga posibilidad nga magkahikapay ang tigkuha sa temperatura ug sa tawo nga gikuhaan niini. (rahc/PIA-7/Bohol)

source https://pia.gov.ph/news/articles/1055056

Leave a Reply

This site uses Akismet to reduce spam. Learn how your comment data is processed.

%d bloggers like this: