KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: GSIS, may P10K scholarship subsidy sa 10T ka estudyante

March 14, 2021 Uncategorized

Nangita ang GSIS og 10,000 ka estudyante sa kolehiyo nga interesadong mo-avail sa ilang GSIS Educational Subsidy Program (GESP) nga makadawat og P10,000 subsidy gikan sa buhatan. (GSIS)

TAGBILARAN CITY, July 8 (PIA) — Nangita karon ang Government Service Insurance System (GSIS) og 10,000 ka estudyante sa kolehiyo nga interesadong mo-avail sa ilang GSIS Educational Subsidy Program (GESP).

Ang 10,000 ka estudyante nga madawat niining programa makadawat og P10,000 subsidy gikan sa GSIS.

Gibuksan na ang application period sa GESP ug molanat kini taman sa Setyembre 15, 2020.

Kining scholarship program bukas sa tanang aktibong miyembro sa GSIS nga permanente ang employment status, adunay Salary Grade 24 paubos, o kapareho niini, ug walay unpaid o underpaid nga utang nga kapin sa 3 ka buwan.

Mahimo usab e-nominar isip GESP grantee ang dependent sa kwalipikadong miyembro nga naa sa bisan unsang tuig sa kolehiyo, nagkuha og 4 o 5 ka tuig nga kurso, naka-enroll sa eskwelahan nga gi-ila sa Commission on Higher Education (CHED), ug kasamtangang wala nagdawat og laing scholarship o subsidy gikan sa pribado o pampublikong ahensiya.

Ang mga interesadong miyembro sa GSIS nga mo-avail niining GESP, kinahanglang moduso sa GESP application form ug service record o certificate of employment.

Samtang ang mga dependent sa kwalipikadong miyembro sa GSIS kinahanglang moduso sa kopya sa ilang birth certificate ug certificate of registration of grades sa 1st semester 2019-2020.

Kinahanglang ipadala pinaagi sa email ang application form sa gesp@gsis.gov.ph o ihulog sa mga drop box alang sa mga lugar nga gilibkas na ang general community quarantine (GCQ). (ecb/PIA7-Bohol)

source https://pia.gov.ph/news/articles/1047041

Leave a Reply

This site uses Akismet to reduce spam. Learn how your comment data is processed.

%d bloggers like this: