KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: GSIS may hinabang P700 mil para sa Ligtas COVID Centers

March 14, 2021 Uncategorized

TAGBILARAN CITY, Bohol, June 25 (PIA) — Mohatag ang Government Service Insurance System (GSIS) og tabang pinansyal sa matumbok nga 11 ka mga Local Isolation and General Treatment Areas for COVID-19 cases (LIGTAS COVID) centers nga iya sa kagamhanan, butyag ni GSIS President ug General Manager Rolando Ledesma Macasaet

Segun sa tinubdan sa GSIS, mokabat sa P700, mil ang tabang gikan sa GSIS ang madawat sa matag Ligtas Covid Center.

Base sa Executive Order 112 nga nagpahimutang sa Enhanced Community Quarantine sa mga lugar nga anaa sa taas nga kakuyaw sa COVID, ang 11 ka LIGTAS COVID centers nga tabangan, kadtong naa sa National Capital Region, Region III o Central Luzon (gawas sa Aurora), Region IV-A o CALABARZON, Pangasinan, Benguet, Iloilo, Cebu, Bacolod City, Davao City, Albay, ug Zamboanga City.

Ang LIGTAS COVID center usa  ka pasilidad sa pag-lain sa mga pasyente nga gidudahan nga may nakauban nga nasakit sa COVID 19, ug kining mga centers giila nga community isolation units nga mahimong anaa sa barangay, lungsod, syudad, o lalawigan nga nagsilbi nga temporaryong kapahulayan sa mga pasyente nga nanginaganglang ilain, o i-kwarantina.

Matud ni Macasaet nga kini nga lakang sa GSIS subay gihapon sa Republic Act No. 11469 o ang Bayanihan to Heal as One Act ug sa Proclamation 922.

GSIS President ug General Manager Rolando Ledesma Macasaet

Kahinumduman nga ang mga nasamppit nga mga balaod nagmandu sa mga institusyong pangpubliko sa pagpalihok sa ilang mga kahinguhaan ug pagtanyag sa kinatibuk-an nga tabang sa mga programa nga natutok aron buntogon ang COVID-19.

Matud ni Macasaet nga ang ilang inisyatiba sulod sa ilang corporate social responsibility nga mag-abag sa mga local government units sa pagpugong sa pagdaghan sa matakdan ug pagdumala sa mga kaso sa COVID-19 sa pamilya ug komunidad.

Segun pa sa GISI, ang tabang pinansyal mahimong magamit sa pagpamalit sa mga gikinahanglang gamit sa LIGTAS COVID Centers subay sa gilatid sa Proclamation 922, ug sa Department of the Interior and Local Government (DILG) – Department of Health (DOH) Joint Resolution No. 2020-0001.

Kini naglangkob sa mga mga ekipos nga gikinahanglan pag-atiman sa pasyente, individual hygiene kits, mga pasilidad hunawanan, oxygen support, ug tambal pang maintenance ug supportive medication.

Ang matag LIGTAS COVID Center maghatag og batakang serbisyo sa higdaanan ug pagkaon, pagdumala sa kaso; monitoring ug dinali-an nga referral kon may namatikdan nga dili na madala pa sa Ligtas Covid Center; ug paghatag og mga tugon kon makagawas na ang pasyente alang sa moatiman niini sa balay ug pag follow up.

Matud sa GSIS, ang LIGTAS COVID-19 Centers nga makabenepisyo pili-on sa DOH ug sa DILG.”  (rahc/PIA-7/Bohol)

source https://pia.gov.ph/news/articles/1045789

Leave a Reply

This site uses Akismet to reduce spam. Learn how your comment data is processed.

%d bloggers like this: