KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano news: Gov. Zubiri nagmugna ug komitiba alang sa mga na stranded nga residente tungod sa COVID-19 

March 14, 2021 Uncategorized

MALAYBALAY CITY, Mayo 15 (PIA)—Si Governor Jose Maria R. Zubiri nag mugna sa ‘Repatriation on Stranded Residents’ nga komitiba aron matabangan ang mga residente sa Bukidnon nga na-stranded sa nagkalain-laing dapit gumikan sa pandemya nga COVID-19.

Lakip nga tabangan sa maong komitiba ang mga na-stranded nga mga pasyente nga nagpatambal sa laing dapit; mga empleyado sa gobyerno; mga nag-board exam ug nagreview; mga estudyante sa mga eskwelahan, OFW applicants, informal workers, ug lokal nga mga turista.

Ang ‘Committee on Repatriation on Stranded Residents’ gilangkuban ug gipangulohan ni Gov. Zubiri ug iyang co-chairman nga si Board Member Atty. Oliver Garcia, lakip miyembro niini ang Sangguniang Panlalawigan (SP), buhatan sa Provincial DILG, Provincial Health Office (PHO), Provincial Disaster Risk Reduction and Management Division (PDRRMD), Provincial Budget Office, Department of Health, ug Provincial Governor’s Office-Public Affairs, Information and Assistance (PGO-PAIA).

Matud pa ni Atty. Oliver Garcia nga co-chairman sa komitiba, gikan sa ilang nahimutangan, ang hotline sa PGO-PAIA motawag ug mo-verify sa ilang importanteng impormasyon samtang ang DILG usab mopahigayon ug pag-verify sa ilang mga pangalan ngadto sa ilang munisipyo, syudad, ug barangay.

Ang komitiba mibisita usab didto sa Northern Mindanao Wellness and Reintegration Center (NMWRC), diin posibleng mamahimong Provincial Isolation Center aron masiguro nga plastar ang mahimutangan sa mga na-stranded nga mopailawom sa local quarantine protocols sama sa 14 ka adlaw nga kwarentina, monitoring, ug laboratory testing.

Gipaniguro pud ni Gov. Zubiri nga ang tanang proseso para sa mga na-stranded nga taga-Bukidnon libre ug walay bayad.

“Gikan sa ilang pagbyahe hangtud pag-uli dinhi sa Bukidnon ug ang tanang galastuhon sa pagpahigayon nila sa ‘quarantine protocols’ libre kini gumikan kay gigahinan na kana sa probinsya isip tabang ngadto kanila” matud pa ni Gov. Zubiri.

Alang niadtong mga na-stranded nga lumulupyo sa Bukidnon nga anaa sa laing dapit, pwedi kamong mo-contact sa PGO-PAIA Center sa mga numero nga 09178163191/09177133556 para sa Globe ug TM ug 09985445693 para sa Smart ug Talk n’ Text. (PGO-PAIA/BGEpan/PIA-Bukidnon)

source https://pia.gov.ph/news/articles/1041917

Leave a Reply

This site uses Akismet to reduce spam. Learn how your comment data is processed.

%d bloggers like this: