KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Gikan sa 101 ka kaso sa COVID-19 pagsud sa buwan, 29 na lang

March 14, 2021 Uncategorized
GIPAHUGOTAN NGA SEGURIDAD SA UTLANAN. Ang Oplan Kalasag ni Dagohoy naglatag sa 151 ka dugang mga kapolisan, Coast Guard ug mga boluntaryo sa nga kadagatan sa Bohol nga ang-atubang sa Sugbo, nga mipakunhod sa aktibong kaso sa COVID sa Bohol. (PIA Bohol) 

TAGBILARAN CITY, Bohol, Sept. 17 (PIA) — Gikan sa 101 ka aktibong kaso sa pagbukas sa Septembre, 29 na lang.

Kini maoy malipayong gipaambit ni Gobernador Arthur Yap didto sa labing bag-o nga tigum sa Bohol Inter-Agency Task Force (BIATF) Strategic Communications Cluster niadtong September 16.

Matud sa gobernador, September 1, milapas na kiita sa 100 ka kaso, halos kasagaran niini didto sa amihanan nga Bohol.

Ug sagbat ni Dr. Cesar Tomas Lopez, tigpamaba sa BIATF, 29 ka aktibong kaso ug 229 na ka tawo ang nasakit sa coronavirus disease (COVID-19) , ang na-ayo na o nauli-an na ug nakabalik na sa ilang mga banay.

Tungod kini, kay gikapakatag sa Bohol ang usa ka stratehiya, nga gitawag og gipalig-on nga Oplan Kalasag ni Dagohoy.

Ang OPLAN Kalasag o Taming ni Dagohoy gidesinyo aron masagang ang illegal nga pagtabok-tabok sa mga tawo sa mga isla ug ngadto na sa silingan nga isla sa Sugbo, diin may mga kaso sa sakit nga Corona virus.

Kahinumduman nga gitrangkahan ang duha  ka sila sa amihanang Bohol: ang Malingin sa Bien Unido ug  ang Guindacpan sa Talibon tungod sa namatikdang pagtakod sa sakit didto.

Sa duha ka mga isla, gidudahan ang koneksyon sa mga tawo didto sa nasampit nga mga isla, ug sa mga taga Sugbo.

Tungod niadto, gipahugtan sa Bohol ang pagbantay sa mga kadagatan nga naghuwang sa mga isla ngadto sa Sugbo pinaagi sa Kalasag.

Butyag sa gobernador nga sa gipalapdan nga Oplan Kalasag, gipun-an og 151 ka mga bag-ong pulis, sakop sa Philippine Coast Guard, Bantay Dagat, ug sakop sa Coastal Law Enforcement Council ang gidugang sa bahan nga magpatroya.

Sa kasayuran nga gikan sa kapolisan, 7 ka cluster ang namugna aron maghimo og pagbantay nga wala nay magtaboktabok sa mga isla aron pugngan ang pagkatag sa sakit.

“Actually, ang Oplan Kalasag ni Dagohoy mitrabaho, it is working,” dayag pa ni Gob Yap didto sa tigum.

Hinuon, sumpay niya, adunay nagpanghitabo sa Tubigon, ilabi na sa mga isla nga barangay didto, butang nga gitutokan na usab sa Border Security Group sa BIATF.

Sa Bohol, kasamtangan nga gitumong sa mga tinugyanan nga dili na mapun-an pa ang mga nakabsan sa kinabuhi tungod sa COVID nga karon anaa na sa walo. (rahc/PIA-7/Bohol)

source https://pia.gov.ph/news/articles/1053394

Leave a Reply

This site uses Akismet to reduce spam. Learn how your comment data is processed.

%d bloggers like this: