KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: GCQ sa Bohol, gi-uswag taman Hunyo 30

March 14, 2021 Uncategorized

TAGBILARAN CITY, June 16 (PIA) — Gi-uswag ni Gobernador Arthur Yap ang general community quarantine (GCQ) period sa lalawigan sa Bohol taman Hunyo 30, 2020.

Gilagdaan sa gobernador ang Executive Order No. 31 niadtong Hunyo 12 apan gipagawas lamang kini niadtong Hunyo 14.

Mahimong epektibo ang maong EO sa Martes, Hunyo 16, 2020.

Nakalatid sa EO 31 nga ang mga mosunod magpabiling ipatuman: pagsunod sa minimum health standards, general curfew gikan alas 9 sa gabii taman alas 5 sa buntag, polisiya sa home quarantine pass, home quarantine sa mga senior citizens ug kabataan, regulated operation sa mga business establishments, partial liquor ban, ug uban pa.

Apan gitugotan na base sa maong EO ang dine-in operations sa mga restaurants, fast food chains ug susamang mga katukuran diin gi-limitahan lamang ngadto sa 30% sa seating capacity.

Ang church services o pagsimba gitugotan lamang sa 25% sa seating capacity sa mga simbahan. Apan ang selebrasyon sa mga pista ipadayon gihapong personal ug pribadong pamaagi.

Niadtong Domingo, Hunyo 14, gipahigayon na ang selebrasyon sa mga misa sa mga Katolikong simbahan sa Bohol, human ang halos tulo  ka buwan human gipatuman ang enhanced community quarantine (ECQ) sa gobyerno aron mapugngan ang pagkatap sa coronavirus disease 2019 (COVID-19).

Sa pagkakaron, ang gidaghanon sa natalang kaso sa COVID-19 sa Bohol nisaka na ngadto sa 10 gikan sa 4 ka natalang kaso sa niaging lima ka buwan.

Si Yap nipahibalo niadtong Domingo sa upat ka locally stranded individuals (LSIs) nga nagpositibo sa COVID-19, gawas pa sa laing 2 ka health workers nga gipahibalong nagpositibo usab sa maong sakit niadtong Biyernes sa niaging semana. (ecb/PIA7-Bohol)

source https://pia.gov.ph/news/articles/1044829

Leave a Reply

This site uses Akismet to reduce spam. Learn how your comment data is processed.

%d bloggers like this: