KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: ELCAC briefing sa mga PIOs, gipangunahan sa PIA

March 14, 2021 Uncategorized

TAGBILARAN CITY, Sept. 1 (PIA) — Ang Philippine Information Agency (PIA) sa Rehiyon 7, sa pakigtambayayong sa 47th Infantry Brigade sa Philippine Army nanguna sa pagpahigayon og briefing kalabot sa End Local Communist Armed Conflict (ELCAC) ngadto sa mga miyembro sa Association of United Development Information Officers (AUDIO) in Bohol niadtong Agosto 28, 2020.

Ang kalihokan nga gipahigayon sa Camp Rajah Sikatuna sa Barangay Katipunan lungsod sa Carmen nagtinguha sa pagsulbad sa problema sa insurhensya nga may hiniusang lakang sa pagsulbad sa pagrekrut sa mga kabataan, kagutom, kakabus, pagka-walay panginlabut, kawalay kaangayan  ug inhustisya nga mahimong masulbad pinaagi sa kolektibong pangingkamot ug aplikasyon sa maayong pangagamhanan isip gamit alang sa local government units (LGUs).

Agi usab kini og pagsunod sa Executive Order No. 70 ni Presidente Rodrigo Roa Duterte nga “institutionalizing the whole-of-the-nation approach in attaining inclusive and sustainable peace.”

Si Battalion Executive Officer Major Mozart Jaque, nga maoy nihatag sa welcome message ngadto sa mga information officers gikan sa local government units ug  national line agencies, nitumbok sa mahinungdanong papel sa mga IOs ug apil na ang media sa pagpakatap sa tukma, may kalabutan ug tukma sa panahon nga impormasyon ngadto sa publiko ilabi na sa ilang area of operation sa Bohol.

Matud pa ni Jaque nga may gitawag sila nga TRIMP – TV, radio, internet, messaging ug print diin ang pinaka-aktibo mao ang internet ug messaging.

“At itong platforms na to, ito yung avenue natin para maipaparating natin doon sa mga stakeholders natin, maging saan man sila dito sa province of Bohol kung ano yung ibat-ibang efforts and initiatives undertaken by the army and other law enforcement agencies at saka sa inyo na rin, matud pa sa battalion executive officer. 

“Especially itong tinatawag natin na NTF-ELCAC or the EO No. 70 of President Duterte. So napakahalaga itong endeavor natin for today, yung orientation natin dahil ito yung paraan natin upang ma-equip tayo what is ELCAC all about, ano-anong yung mga salient points na pwede nating matutunan as partners in our quest for peace and development dito sa area ng Bohol,” panapos ni Jaque.     

Si 1Lt. Elma Grace Remonde, Civil Military Operations Officer 47th IB, PA nituki kalabot sa Civil Military Operations, Enhanced Comprehensive Local Integration Program (E-CLIP) ug CMO Accomplishments samtang si Bohol Provincial Police Office (BPPO) Community Affairs Development Division Chief, Police Major Jacinto Mandal Jr. nituki usab bahin sa Anti-Terrorism and Anti-Criminality Campaign.

Ang ubang resource speakers naglakip nilang Rachel Torremocha, Department of Interior and Local Government (DILG) Bohol’s Local Government Operations Officer II and Peace and Order Concerns Focal Person kalabot sa papel sa DILG sa ELCAC; ug  Governor’s Office Program Officer Renato Espinosa Jr. nituki usab kalabot sa Provincial Government of Bohol’s support for ELCAC.

Samtang ang duha  ka kanhing rebelde nga sila si Don A. Dane, secretary sa People’s Advocacy for Collaboration and Empowerment, Inc. ug si “Ka Mariel” nihatag og klarong hulagway pinaagi sa ilang personal testimonies sa ilang personal nga kasinatian isip mga kanhing rebelde nga nibalik na karon sa sabakan sa gobyerno ug aktibo na karong misuporta sa mga inisyatibo sa gobyerno sa pagbatok sa insurhensya.  (ecb/PIA7-Bohol)

source https://pia.gov.ph/news/articles/1051940

Leave a Reply

This site uses Akismet to reduce spam. Learn how your comment data is processed.

%d bloggers like this: